ئەمریکا کردنەوەی گەروی هورمز رادەگەیەنێت و ئێرانیش دەڵێت داخراوە

رۆیتەرز

گەرووی هورمز

 فەرماندەی ناوەندی ئەمریکا، رایدەگەیەنێت کە گەروی هورمز بۆ هەموو کەشتییەکان کراوەتەوە، بەڵام ئێران رەتیدەکاتەوە، گەروەکە کرابێتەوە و رایدەگەیەنێت: بۆ تێپەڕبوون پێویستە کەشتییەکان هەماهەنگی لەگەڵ سوپای وڵاتەکەمان بکەن.

فەرماندەی ناوەندی ئەمریکا لە راگەیەندراوێکیدا، ئاماژەی بەوەکردووە: کە گەروی هورمز بۆ هەموو کەشتییەک کراوەیە، ئەوانەی دەیانەوێت بە رێرەوی ئاوی نێودەوڵەتیدا بەشێوەیەکی یاسایی تێبپەڕن.
دەشڵێت: ئێران ناتوانێت کۆنترۆڵی گەروەکە بکات و جوڵەی دەریایی بەردەوامە.

 فەرماندەی ناوەندی ئەمریکا، ئاشکراشی دەکات: لە ماوەی حەوت رۆژی رابردوودا زیاتر لە 140 کەشتی بە گەروی هورمزدا تێپەڕیون.
 لەلایەکی دیکەوە، تەلەفزیۆنی ئێران، ئاشکرای کرد: گەروی هورمز داخراوە و هەر کەشتییەک بیەوێت بە گەروەکە تێپەڕیت، پێویستە هەماهەنگی لەگەڵ هێزی دەریایی سوپای پاسداران بکات.

PUKMEDIA