پۆلیس: ئاگاداری پارەی ساختەبن لە بازاڕدا

PUKMEDIA

ئۆتۆمبێلی پۆلیس

لە قەڵادزێ دوو کەس بەتۆمەتی ساغکردنەوەی پارەی ساختە دەستگیردەکرێن، کە بڕی 350 هەزاری ساختەیان ساغکردوەتەوەو 50 هەزاریش دەستیبەسەرداگیراوە.

پۆلیسی راپەڕین رایگەیاندووە، لە قەڵادزێ کە دوو کەسیان بەتۆمەتی ساغکردنەوەی پارەی ساختە دەستگیر کرد و دوای لێکۆڵینەوەش لەگەڵیاندا دانیان بەوە داناوە بە وتەی خۆیان "نزیکەی 350 هەزار دیناریان لە جۆری 50 هەزاری پێ بووە و لە بازاڕدا ساغیان کردۆتەوە".

هەر لە ئەنجامی لێکۆڵینەوە و بەدوداچوون توانیان بڕی 50 هەزار دیناری ساختە لە جۆری 50,000 هەزاری دەستبەسەردا بگرن، کە ئەو دوو تۆمەتبارە لە مارکێتێک مامەڵەیان پێوە کردووە.

ئەوەش راگەیەندراوە، کە بە بڕیاری دادوەر و بە ماددەی ‌281 لە یاسایی سزادانی عیراقی دوو تۆمەتبارەکە ڕاگیرکراون و دواتر پەڕاوی لێکۆڵینەوەیان رادەستی ئاسایشی ڕاپەڕین کراوە.

هاوکات نوسینگەی نەهێشتنی تاوانی پشدەر داوا لە هاووڵاتیان دەکات لەکاتی مامەڵەکردن و ئاڵوگۆڕ بە دیناری عیراقی بە وردی سەرنجی پارە بدەن بەهۆی بوونی پارەی ساختە لە بازاڕدا.

PUKMEDIA