جێگری سەرۆکی هەرێم و باڵیۆزی ئیتاڵیا پەیوەندییە دووقۆڵییەکان تاوتوێ دەکەن

راگەیاندنی جێگری سەرۆکی هەرێم

جێگری سەرۆکی هەرێم و باڵیۆزی ئیتاڵیا

ئەمڕۆ 24ی6ی2026، شێخ جەعفەر شێخ مستەفا، جێگری سەرۆکی هەرێمی کوردستان، پێشوازییکرد لە نیکۆلۆ فۆنتانا، باڵیۆزی ئیتاڵیا لە عیراق و وەفدێکی یاوەری.

لە کۆبوونەوەکەدا دوایین پێشهاتە سیاسی و ئەمنییەکانی عیراق و ناوچەکە، پەیوەندییەکانی نێوان ئیتاڵیا لەگەڵ هەرێمی کوردستان و عیراق، بارودۆخی ناوخۆی هەرێمی کوردستان و پەیوەندییەکانی نێوان هەولێر و بەغدا، گفتوگۆیان لەبارەوە کرا.

پڕۆسه‌ى چاكسازی و يه‌کخستنه‌وه‌ی پێشمه‌رگه، پرسی پێکهێنانی کابینەی نوێی حکومەتی هەرێمی کوردستان، بەشێکی دیکەی گفتوگۆکانی دیدارەکە بوو کە تۆماسۆ سانسۆنی، کونسوڵی گشتیی ئیتاڵیا لە هەرێمی کوردستان، ئامادەی بوو.

PUKMEDIA