یاسای دژەتیرۆر بەسەر بەکارهێنەرانی درۆندا جێبەجێ دەکرێت

راگەیاندنی ئەنجومەنی دادوەری

بینای ئەنجومەنی باڵای دادوەری عیراق

ئەنجومەنی باڵای دادوەریی عیراق، یاسای دژەتیرۆر بەسەر هەموو ئەو کەسانەدا جێبەجێدەکات کە بەبێ مۆڵەت فڕۆکەی بێفڕۆکەوان بەرهەمدەهێنن یان بەکاریدەهێنن.

 ئەنجومەنی باڵای دادوەری،ئەمڕۆ 24ی6ی2026، لە بەیاننامەیەکدا : ڕێنمایی داوەتە دادگا تایبەتمەندەکان بۆ جێبەجێکردنی فەرمانەکانی یاسای بەرەنگاربوونەوەی تیرۆر  بە (ژمارە 13ی ساڵی 2005).
بەپێی بەیاننامەکە، فەرمانەکە  بەسەر هەموو ئەو کەسانەدا جێبەجێ دەکرێت کە  فڕۆکەی بێفڕۆکەوان (درۆن) دروست دەکەن، یان بەکاریدەهێنن بەبێ مۆڵەت، یاخود  لایان  بێت بە مەبەستی ئەنجامدانی هەر کارێک کە پێچەوانەی یاسا و ڕێنماییەکان بێت.

PUKMEDIA