سەرجەم حاجیان بە سەلامەتی گەڕانەوە کوردستان

PUKMEDIA

گەڕانەوەی حاجییان

شەوی رابردوو دوا کاروانی حاجییانی کوردستان گەڕانەوە کوردستان و لە ئێستادا هیچ حاجیەکی کوردستان لە سعوودیە نەماوە.

کاروان ستونی وتەبێژی فەرمی حەج  و عومڕەی کوردستان ڕایدەگەینێت: دوێنێ شەو سەرجەم حاجیانی کوردستان بە پێی خشتەی داڕێژراو گەڕانەوە کوردستان و لە ئێستادا هیچ حاجیەکی کوردستان لە سعوودیە نەماوە.

وتیشی: ئەمساڵ پرۆسەیەکی سەرکەوتوومان بەڕێوەبرد و سوپاسی هەموو ئەو کەسانە دەکەین کە بە پرۆسەکەوە ماندوو بون.

پێشتر مامۆستا عەباس خدر بەڕێوەبەری ئەوقافی سلێمانی، رایگەیاندبوو: سەرجەم حاجیانی هەرێمی کوردستان ژمارەیان پێنج هەزار و 120 حاجییە، لەم ژمارەیەش هەزار و 262 حاجیان لە سنووری پارێزگای سلێمانییە، کە704 حاجیان لە رەگەزی نێرن و 558 حاجیشیان لە رەگەزی مێن، کە ئەمساڵ بۆ بەجێهێنانی فەریزەی حەج ناویان هاتبوەوە.

PUKMEDIA