کەشناسی: ئەگەری نمە باران و تاوە بارانی پچڕ پچڕ هەیە

تایبەت

کەشى باراناوى لە کوردستان

بەڕێوەبەرایەتی گشتی کەشناسی و بومەلەرزەزانی هەرێمی کوردستان، کەشى پێشبینیکراوى 48 سەعاتی داهاتووی بڵاوکردەوە و رایگەیاند: لەناوچە شاخاوییەکان ئەگەری نمە باران و تاوە بارانی پچڕ پچڕ هەیە.

کەشناسی هەرێم، رایگەیاندووە: ئەمڕۆ هەینی 22ی5ی2026، ئاسمان ساماڵ و پەڵە هەور دەبێت لە زۆربەی کاتەکاندا، لە ناوچە شاخاویە سنورییەکانی پارێزگای هەولێرو دهۆک وئیدارەی ڕاپەڕین و سۆران ئەگەری نمە باران و تاوە بارانی پچڕ پچڕو کورت خایەن لە کاتەکانی دوای نیوەڕۆ هەیە ،کە هەندێک کات هەورە بروسکەی لەگەڵدا دەبێت.

دەشڵێت: پلەکانی گەرما  نزیک دەبێتەوە لە تۆمارکراوەکانی دوێنێ .

پەیوەست بە کەشی سبەینێ 23ی5ی2026،کەشناسی هەرێم پێشبینی دەکات، ئاسمان لە زۆربەی کاتەکاندا ساماڵ بێت هەنێک کات دەگۆڕێ بۆ ساماڵ و پەڵە هەور.

دەشڵێت:  پلەکانی گەرما  بەرزتر دەبێتەوە بە (2-3) پلە بەراوورد بە پلەکانی ئەمڕۆ .

بەرزترین پلەکانی گەرمای پێشبینیکراو بە پلەی سیلیزی
هەولێر: 29 پلەی سیلیزی
پیرمام: 25 پلەی سیلیزی
سۆران: 26 پلەی سیلیزی
حاجی ئۆمەران: 18 پلەی سیلیزی
سلێمانی: 30 پلەی سیلیزی
چەمچەماڵ: 32 پلەی سیلیزی
دهۆک: 29 پلەی سیلیزی
زاخۆ: 28 پلەی سیلیزی
هەڵەبجە: 31 پلەی سیلیزی
گەرمیان: 36 پلەی سیلیزی

PUKMEDIA