پنتاگۆن: خەرجی جەنگی ئێران گەیشتە 29 ملیار دۆلار

AA

پنتاگۆن

وەزارەتی جەنگی ئەمریکا (پنتاگۆن) نوێترین ئاماری جەنگی وڵاتەکەی دژ بە ئێران بڵاوکردەوە و ئاشکرای کرد، خەرجی جەنگ گەیشتووەتە 29 ملیار دۆلار.

بەپێی ڕاپۆرتێکی کەناڵی (CNN) ، ئەم خەمڵاندنە نوێیە کە بریتییە لە 29 ملیار دۆلار و بە بڕی ٤ ملیار دۆلار زیاترە لەو ژمارەیەی کە دوو هەفتە لەمەوبەر بەرپرسانی پنتاگۆن پێشکەشی کۆنگرێسیان کردبوو.

جۆڵز هێرستی،  جێگری وەزیری دارایی لە وەزارەتی جەنگی ئەمریکا، لەبەردەم لیژنەی تەرخانکردنی دارایی لە ئەنجومەنی نوێنەران ڕایگەیاند: تیمەکانمان بەردەوام لە پێداچوونەوەی خەمڵاندنەکان دان، ئێستا گەیشتووینەتە ئەو باوەڕەی تێچووەکە نزیکە لە 29 ملیار دۆلار.

هێرست هۆکاری ئەم بەرزبوونەوەیەی گەڕاندەوە بۆ نوێکردنەوەی تێچووی چاککردنەوە و گۆڕینی کەرەستە سەربازییەکان و تێچووی گشتی پرۆسە کارگێڕی و داراییەکان بۆ مانەوەی هێزەکان لە ناوچەکەدا.

ئاماژەی بەوەشکرد، ئەم زیادبونە بەهۆی تێچووە نوێکراوەکانی چاککردنەوە و گۆڕینی کەرەستە سەربازییەکان و هەروەها خەرجییەکانی ئۆپراسیۆنی هێزەکانی ئەمریکایە لە ناوچەکەدا.

ئەمەش لە کاتێکدایە، پێشتر پنتاگۆن لە 29ی4ی2026، تێچووی جەنگەکەی بە 25 ملیار دۆلار مەزەندە کردبوو.

PUKMEDIA