لە فلیپین گڕکانێک تەقییەوە و دەسەڵاتدارانیش هۆشداری دەدەن

میدیاکان

گڕکانەکەی چیای کانلاون لە فلیپین

لە چیای کانلاون لە فلیپین گڕکانێک تەقییەوە، دووکەڵێکی چڕ ئاسمانی ناوچەکەی گرتەوە، ئەمەش وایکرد دەسەڵاتداران دانیشتوانیان ئاگادار بکەنەوە لە مەترسی تەقینەوەی زیاتر.

 بەهۆی تەقینەوەکەوە دووکەڵ تا بەرزی 800 مەتر بەرزبووەتەوە و بەهۆیەوە لە ماوەی 24 سەعاتی رابردوودا خۆڵبارین ناوچەکەی گرتووەتەوە.

پەیمانگای گڕکان و بومەلەرزەزانی فلیپین ڕایگەیاندووە، گڕکانەکە لە ئاستی دووەمیندایە، ئەمەش ئاماژەیە بۆ ئەوەی چالاکیی گڕکانەکان بەردەوام دەبێت و ئەگەری تەقینەوەی زیاتریش هەیە.

دەسەڵاتدارانی ئەو وڵاتە ئاماژە بەوەشدەکەن: چالاکییەکانی گڕکانی کانلاون بە وردی چاودێری دەکرێت و ڕەنگە بەپێی پێشهاتەکان ڕێوشوێنی نوێ بگیرێتەبەر، داواش لە دانیشتوانی ناوچەکە کراوە کە پابەندی هۆشدارییە رەسمییەکان بن.

PUKMEDIA