نرخی نەوت لە سەروی 119 دۆلارەوە مامەڵەی پێوە دەکرێت

میدیاکان

بەرزبوونەوەی نرخی نەوت

نرخی نەوت لە بازاڕەکانی جیهان بەرزبوونەوەیەکی پێوانەیی بەخۆیەوە بینی و  بەرێژەی %7.36 بەرزبووەوە ، بەشێوەیەک یەک بەرمیل نەوتی برێنت بە 119 دۆلار و سێ سەنت مامەڵەی پێوە دەکرێت.

ئێوارەی ئەمڕۆ 29ی4ی2026، نرخی نەوت لە بازاڕەکانی جیهان بەرزبوونەوەی بەرچاوی بەخۆیەوە بینی، بەجۆرێک یەک بەرمیل نەوتی برێنت بەرێژەی %7.36 بەرزبووەوە و و بە 119 دۆلار و سێ سەنت مامەڵەی پێوەدەکرێت.

هاوکات، نرخی نەوتی تەکساسیش بەرزبوونەوەی بەخۆیەوە بینی و یەک بەرمیلی بە 107 دۆلار و سێ سەنت مامەڵەی پێوە دەکرێت، ئەم جۆرەی نەوتیش بەرێژەی %7.36 بەرزبوونەوەی بەخۆیەوە بینی.

هۆکاری بەرزبوونەوەی نرخی نەوت بۆ لێدوانی دۆناڵد ترەمپ سەرۆکی ئەمریکا، دەگەڕێتەوە کە رایگەیاند: گەمارۆکانی سەر ئێران بەردەوام دەبێت، ئەمەش ناسەقامگیری لە بازاڕی وزەی جیهاندا دروست کرد.

PUKMEDIA