باران و ته‌رزه‌ ده‌بارێت و هه‌وره‌ بروسكه‌شی له‌گه‌ڵدا ده‌بێت

تایبەت

کەشى باراناوى لە کوردستان

كه‌شناسی و بومه‌له‌رزه‌ی هه‌رێمی كوردستان كه‌شوهه‌وای 48 سه‌عاتی داهاتووی رایگه‌یاند، كه‌ پێشبینی ده‌كرێت كه‌شوهه‌وا ئه‌مڕ‌ۆ به‌گشتی باران بارین ده‌بێت و ناسه‌قامگیری كه‌ش به‌رده‌وامی ده‌بێت به‌ درێژای ئه‌مڕ‌ۆ.

هه‌روه‌ها هه‌ندێك كات له‌كاتی باران بارین جگه‌ له‌ هه‌وره‌ بروسكه‌ ئه‌گه‌ری ته‌زره‌ بارین هه‌یه‌ زیاتر له‌و ناوچانه‌ی به‌رزیان له‌ 1000 م زیاتره‌ له‌ ئاستی رووی ده‌ریا، له‌گه‌ڵ ئه‌وه‌شدا خێرای با به‌ به‌رزی ده‌مێنێته‌وه‌ و پله‌كانی گه‌رماش چه‌ند پله‌یه‌ك نزم ده‌بێته‌وه‌ . 

هه‌روه‌ها كه‌شوهه‌وای سبه‌ینێ 13ی4ی2026 نیمچه‌ هه‌ور و ناوچه‌ شاخاوییه‌كان هه‌وری زیاتر ده‌بێت و ئه‌گه‌ری باران بارین له‌ ناوچه‌ی جیا جیا به‌تایبه‌ت ناوچه‌ شاخاوییه‌كان له‌ هه‌ندێك كاتدا له‌ كاته‌كانی نیوه‌ڕ‌ۆ پێشبینی ئه‌گه‌ری نمه‌ بارانی كه‌م بۆ سه‌نته‌ری پارێزگاكان پێشبینی باران به‌شێوه‌ی بارانی به‌هاری و باران ده‌بێت هه‌ندێك ناوچه‌ كه‌شه‌كه‌ی سه‌قامگیره‌، زیادبوونی خێرای با به‌رده‌وامی ده‌بێت  .

PUKMEDIA