شەپۆلێکی دیکەی بارانبارین روو لەهەرێم دەکات

BBC

بارانبارین

کەشناسی،کەشى پێشبینیکراوى 48 سەعاتی داهاتووی راگەیاند، بەپێی پێشبینییەکە شەپۆلێکی دیکەی بارانبارین روو لەهەرێم دەکات.

ئەمڕۆ  هەینی  3ی4ی2026 بەگشتی ئاسمان هەوری باراناوی دەبێت , نمە باران و بارانی مامناوەند بە پچڕپچڕی لە زۆربەی ناوچەکان بەردەوامی دەبێت  بەتایبەت لەناوچە شاخاوییەکان کە هەندێک کات ئەگەری لێزمە بارانی دەبێت . کاریگەری نا سەقامگیری کەش بەردەوامی دەبێت بۆ کاتەکانی درەنگانی شەو زیاتر لەناوچەکانی رۆژهەلات پارێزگاکانی ( سلێمانی و هەلەبجە ) وە تاکو  کاتەکانی بەیانی شەممە دەمینێتەوە.  

هاوکات سبەینێ  شەممە  4ی4ی2026، ئاسمان هەوری تەواو دەبێت و ئەگەری بارینی کەمێک نمە باران هەیە لە کاتەکانی بەیانیدا بە تایبەت لە ناوچە شاخاوییەکان و ناوچە سنوورییەکان .  

بەرزترین پلەکانی گەرمای پێشبینیکراو بە پلەی سیلیزی:

هەولێر 18 پلەی سیلیزی 
پیرمام 13 پلەی سیلیزی
سۆران 16 پلەی سیلیزی 
حاجی ئۆمەران 9 پلەی سیلیزی 
سلێمانی 15 پلەی سیلیزی 
چەمچەماڵ 16پلەی سیلیزی
دهۆک 15 پلەی سیلیزی
زاخۆ 16 پلەی سیلیزی 
هەڵەبجە : 16 پلەی سیلیزی
گەرمیان  : 20 پلەی سیلیزی

PUKMEDIA