باران بارین بەردەوام دەبێت

vecteezy

باران

به‌ڕێوه‌بەرایه‌تی گشتی كه‌شناسی و بومه‌له‌رزه‌زانى، کەشى پێشبینیکراوى 48 سەعاتی داهاتووی راگەیاند و پێشبینى دەکات، ئەمڕۆ و سبەینێ باران بارین بەردەوام بێت. 

لە راگەیەنراوەکەدا هاتووە، ئەمڕۆ شەممە 28ى3ى2026 ئاسمان هەوری تەواو دەبێت، نمە باران و بارانی مامناوەند بە پچڕپچڕی دەبارێت، بە تایبەت لە ناوچەکانی باکور و باکوری رۆژهەڵاتی هەرێم و پێشبینی دەکرێت رێژەی دابارین زیاتر بێت بەراورد بە ناوچەکانی دیکە.

خێرایى با / لەسەرخۆ - مامناوەند ( 10 – 20) کم/ک.
ئاڕاستەی با/ باشووری خۆرئاوا بۆ باکووری خۆرهەڵات دەبێت.
پلەکانی گەرما / کەمێک بەرز دەبێتەوە بە بەراوورد بە تۆمارکراوی دوێنێ.
مەوداى بینین / لەنێوان ( 7 – 9 ) کم دەبێت.

بەرزترین پلەکانی گەرمای پێشبینیکراو بۆ ئەمڕۆ:

هەولێر: 13 پلەی سیلیزی
پیرمام: 9 پلەی سیلیزی
سۆران: 10 پلەی سیلیزی
حاجی ئۆمەران: 3 پلەی سیلیزی
سلێمانی : 10 پلەی سیلیزی
چەمچەماڵ: 11 پلەی سیلیزی
دهۆک: 13 پلەی سیلیزی
زاخۆ: 12 پلەی سیلیزی
هەڵەبجە : 12 پلەی سیلیزی
گەرمیان : 17 پلەی سیلیزی

سەبارەت بە سبەی یەک شەممە 29ى3ى2026 لە راگەیەنراوەکەدا ئاماژە بە ئەوەدراوە: ئاسمان هەوری تەواو دەبێت، لەگەڵ بارینی نمە بارانی پچڕپچڕ لە هەندێک ناوچەی باکوری رۆژهەڵاتی هەرێم، لە دوای نیوەڕۆ نمە باران سەرجەم ناوچەکانی هەرێم دەگرێتەوە و لە ناوچە شاخاوییەکان دابارین هەندێکجار مامناوەند دەبێت و رێژەی باران بارین زیاتر دەبێت بەراورد لەگەڵ ناوچەکانی دیکە.

ئەوەش روونکراوەتەوە: بەرەبەیانی زوو ئەگەری دروستبوونی تەمێکی کورت خایەن هەیە، لە هەندێک ناوچە لە باکوری پارێزگای هەولێر و سنووری پارێزگای سلێمانی.

خێرایى با / لەسەرخۆ - مامناوەند ( 10 – 20) کم/ک.
ئاڕاستەی با / باکووری خۆرهەڵات دەبێت.
مەوداى بینین / لەنێوان ( 7 – 9 ) کم دەبێت.
پلەکانی گەرما /  بەرز دەبێتەوە بە ( 3 – 2 ) پلە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی بۆ سبەینێ:

هەولێر: 15 پلەی سیلیزی
پیرمام: 11 پلەی سیلیزی
سۆران: 12 پلەی سیلیزی
حاجی ئۆمەران: 4 پلەی سیلیزی
سلێمانی :13 پلەی سیلیزی
چەمچەماڵ: 14 پلەی سیلیزی
دهۆک: 14 پلەی سیلیزی
زاخۆ: 14 پلەی سیلیزی
هەڵەبجە : 15 پلەی سیلیزی
گەرمیان : 18 پلەی سیلیزی

PUKMEDIA