ئەمریکا نزیکەی 20 هەزار هاووڵاتی خۆی لەرۆژهەڵاتی ناوەڕاستەوە دەگەڕێنێتەوە

ئاژانسەکان

گەڕانەوەی هاووڵاتیانی ئەمریکی بۆ وڵاتەکەیان

وەزارەتی دەرەوەی ئەمریکا ڕایگەیاند کە بەهۆی بارودۆخی نائاسایی ناوچەکە، پرۆسەیەکی فراوانی گەڕانەوەی هاووڵاتییانی لە رۆژهەڵاتی ناوەڕاستەوە دەستپێکردووە.

بەپێی زانیارییەکان لە کۆتایی مانگی شوباتەوە تا ئێستا، نزیکەی ٢٠ هەزار هاووڵاتی ئەمریکی لە ڕۆژهەڵاتی ناوەڕاستەوە گەڕاونەتەوە بۆ وڵاتەکەیان، وەزارەتەکە بە ڕێنمایی مارکۆ ڕووبیۆ، وەزیری دەرەوە، گەشتی ئاسمانی تایبەت و گواستنەوەی وشکانی بۆ هاووڵاتییانی دابین کردووە.

هاوکات فۆرمێکی تایبەت بە بارودۆخی نائاسایی بۆ ئەمریکییەکان لە ٦ وڵات چالاک کراوە، کە بریتین لە کوێت، بەحرەین، ئیمارات، قەتەر، عەرەبستانی سعوودی و فەلەستین، تیمەکانی وەزارەتی دەرەوە بە شەو و ڕۆژ کار دەکەن و تا ئێستا ڕێنمایی و هاوکارییان پێشکەشی زیاتر لە ١٠ هەزار کەس کردووە بۆ گەشتکردن و پاراستنی سەلامەتییان.

PUKMEDIA