ئەمڕۆ و سبەى ئاسمان ساماڵ و پەڵەهەور دەبێت

PUKMEDIA

کەشوهەوا

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند و بەپێی راگەیەنراوەکە: ئەمڕۆ و سبەى بە گشتی ئاسمان ساماڵ و پەڵەهەور و نیمچەهەور دەبێت و سبەى ئەگەرى بوونى خۆڵ لە کەشى هەندێک ناوچەدا هەیە.

لە راگەیەنراوەکەدا هاتووە: ئەمڕۆ چوار شەممە 25ى2ى2026 ، ئاسمان ساماڵ و پەڵەهەور دەبێت لە ناوچە شاخاوییەکان نیمچەهەور و هەوری تەواو دەبێت.

خێراى با / لەسەرخۆ ( 5 – 15) دەبێت.
ئاڕاستەی با / باشووری خۆرهەڵات.
مەوداى بینین / لە نێوان ( 8 – 10 ) کم دەبێت.

ئاماژەى بە ئەوەش داوە: پلەکانی گەرما کەمێک نزم دەبێتەوە بەراورد بە تۆمارکراوەکانی دوێنێ.

بەرزترین پلەکانی گەرمای پێشبینیکراو بۆ ئەمڕۆ:

هەولێر: 17 پلەی سیلیزی
پیرمام: 14 پلەی سیلیزی
سۆران: 16 پلەی سیلیزی
حاجی ئۆمەران: 6 پلەی سیلیزی
سلێمانی: 17 پلەی سیلیزی
چەمچەماڵ: 18 پلەی سیلیزی
دهۆک: 17 پلەی سیلیزی
زاخۆ 17 پلەی سیلیزی
هەڵەبجە : 18 پلەی سیلیزی
گەرمیان: 22 پلەی سیلیزی

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی سەبارەت بە سبەى پێنج شەممە 26ى2ى2026  رایگەیاند: ئاسمان ساماڵ و پەڵەهەور و نیمچەهەور دەبێت بە گشتی، کاریگەری نزمە پاڵەپەستۆیەکی لاواز درێژدەبێتەوە بۆ سەر بەشێک لە ناوچە شاخاوییەکانی سنووری ئیدارەی سۆران و سەرجەمی ناوچە جیاجیاکانی سنووری پارێزگای دهۆک ئیدارەی زاخۆ باران بارین لەم ناوچانەدا بە شێوەی نمەباران و بارانی مامناوەند دەبێت هاوکات بەفرێکی کەم لە ناوچە شاخاویە سنووریەکان دەبارێت .

ئەوەش خراوەتە ڕوو: سبەی لە کاتی زیادبوونی خێرایی با لە سنووری باشوری پارێزگای هەولێر و بەشێک لە ئیدارەی گەرمیان و سنووری پارێزگای کەرکوک ئەگەری بەرزبوونەوەی تۆزێکی کەم هەیە.

خێراى با / لەسەرخۆ - مام ناوەند، ( 10 – 25) لە دوای نیوەڕۆ زیادبوونی خێرایی با بۆ سەرووی 25کم/سەعات دەبێت.
ئاڕاستەی با / باشووری خۆرهەڵات.
مەوداى بینین / لەنێوان ( 8 – 9 ) کم/ک.

لە راگەیەنراوەکەدا هاتووە: پلەکانی گەرما کەمێک بەرز دەبێتەوە بەڵام لە ناوچە شاخاویەکان نزم دەبێتەوە بە (2 – 3 ) پلە بە بەراورد لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 18 پلەی سیلیزی
پیرمام: 15 پلەی سیلیزی
سۆران: 16 پلەی سیلیزی
حاجی ئۆمەران: 5 پلەی سیلیزی
سلێمانی: 18 پلەی سیلیزی
چەمچەماڵ: 19 پلەی سیلیزی
دهۆک: 15 پلەی سیلیزی
زاخۆ: 16 پلەی سیلیزی
هەڵەبجە : 19 پلەی سیلیزی
گەرمیان: 23 پلەی سیلیزی

PUKMEDIA