باران بارین دەستپێدەکاتەوە

unsplash

باران بارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند و بەپێی راگەیەنراوەکە: ئەمڕۆ و سبەى باران بارین دەستپێدەکاتەوە. 

لە راگەیەنراوەکەدا هاتووە: ئەمڕۆ دوو شەممە 23ى2ى2026 ئاسمان نیمچەهەور دەبێت، لە ناوچەکانی رۆژهەڵاتی هەرێم" پارێزگای سلێمانی" هەوری تەواو دەبێت، لەگەڵ ئەگەری کەمێک نمەباران لە هەندێک ناوچەکانی سنووری رۆژهەڵات.

خێرایى با / لەسەرخۆ ( 5 – 15) دەبێت.
ئاڕاستەی با / باکووری خۆرئاوا .
مەوداى بینین / لە نێوان ( 8 – 10 ) کم دەبێت.

ئاماژە بە ئەوەش دراوە: بەرزترین پلەکانی گەرما بە گشتی نزم دەبێتەوە بە(2-4) پلە بەراوورد بە تۆمارکراوەکانی دوێنێ.

بەرزترین پلەکانی گەرمای پێشبینیکراو بۆ ئەمرۆ:

هەولێر: 20 پلەی سیلیزی
پیرمام: 17 پلەی سیلیزی
سۆران: 16 پلەی سیلیزی
حاجی ئۆمەران: 12 پلەی سیلیزی
سلێمانی: 19 پلەی سیلیزی
چەمچەماڵ: 20 پلەی سیلیزی
دهۆک: 17 پلەی سیلیزی
زاخۆ: 18 پلەی سیلیزی
هەڵەبجە : 19 پلەی سیلیزی
گەرمیان : 22 پلەی سیلیزی

هاوکات لە راگەیەنراوەکەدا ئەوەش خراوەتەڕوو: سبەى سێ شەممە 24ى2 2026 لە ئەنجامی کاریگەرییەکانی نزمە پەستانی نیمچە دوورگەری عەرەبی، هەروەها بارستەهەوای ساردی باکوور، ئاسمان هەرێم بە گشتی ناسەقامگیر دەبێت و هەوری تەواو دەبێت لەگەل بارینی نمەبارانی جیاجیا، کەمێک بەفربارین لە ناوچە شاخاوییە سنووریەکانی باکووری رۆژهەڵات بۆ کاتەکانی دوایی نیوەڕۆ تاکو ئێوارە کاریگەری ناسەقامگیری کەش چالاک تر دەبێت، رێژەی دابارین کەمێک زیاتر دەبێت، کە هەندێک کات بە بەشێوەی تاوەباران و بروسکە دەبیت، بەتایبەتی سنووری ناوچەکانی ( پارێزگای سلێمانی، هەلەبجە، ئیدارەی سەربەخۆکانی گەرمیان، راپەڕین وە سۆران) لەگەل کەمێک چالاک بوونی خێرایی با وە نزم بوونەوەی پلەکانی گەرما پاشان بۆ کاتەکانی شەو کەش سەقامگیر دەبێتەوە.

خێرایى با / لەسەرخۆ - مام ناوەند
ئاڕاستەی با / باکووری خۆرئاوا.
مەوداى بینین / لە نێوان ( 6 – 8 ) کم/ک، لەکات و شوێنی دابارین لەنێوان (4 – 6 ) کم دەبێت.

سەبارەت بە پلەکانی گەرما ئاماژە بۆ ئەوە کراوە: بەرزترین پلەکانی گەرما بەگشتی کەمێک نزم دەبێتەوە بە ( 2 – 3 ) پلە لە تۆمارکراوەکانی .

بەرزترین پلەکانی گەرمای پێشبینیکراو بە پلەی سیلیزی بۆ سبەى :

هەولێر : 17 پلەی سیلیزی
پیرمام: 15 پلەی سیلیزی
سۆران: 14 پلەی سیلیزی
حاجی ئۆمەران: 10 پلەی سیلیزی
سلێمانی: 15 پلەی سیلیزی
چەمچەماڵ: 20 پلەی سیلیزی
دهۆک: 14 پلەی سیلیزی
زاخۆ: 15 پلەی سیلیزی
هەڵەبجە : 15 پلەی سیلیزی
گەرمیان :21  پلەی سیلیزی

PUKMEDIA