بەبڕیاری سودانی سیستەمێكی نوێی گومرگی لەدەروازە سنورییەكانی هەرێم جێبەجێ دەكرێت

نوسینگەی رۆژنامەوانی سەرۆکوەزیرانی عیراق

محەمەد شیاع سودانی، سەرۆک وەزیرانی عیراق

بە بڕیاری محەمەد شیاع سودانی، سەرۆك وەزیرانی عیراق، سیستەمی نوێی گومرگی (ئاسیكودا) لە دەروازە سنورییەكانی هەرێمی كوردستان جێبەجێ دەكرێت.

نوسینگەی راگەیاندنی محەمەد شیاع سودانی سەرۆك وەزیرانی عیراق بڵاویكردەوە، بەئامادەبوونی بەڕێوەبەری گشتی دەستەی دەروازە سنوورییەكان و بەڕێوەبەرانی گشتی گومرگ و باج و چەند راوێژكارێكی سەرۆكی حكومەت، كۆبوونەوەیەكی تایبەتمان سەبارەت بە جێبەجێكردنی باجی گومرگی و سیستەمی ئاسیكودا ئەنجامدا.

راشیگەیاند: بە ئامانجی زامنكردنی یەكسختنی باجی گومرگی لە سەرجەم دەروازەكان و جێبەجێكردنی كێبڕكێی دادپەروەرانە لە بازاڕدا، بڕیارماندا بە جێبەجێكردنی رێكارەكانی دەستەی دەروازە سنورییەكان و جێبەجێكردنی سیستمی "ئەسیكۆدا" لە دەروازە سنوورییەكانی هەرێمی كوردستان.

سیستەمی نوێی گومرگی (ئاسیكودا) یاخود یاسای پێناسی گومرگی ئەسیكۆدا، ئامرازێكی بنەڕەتییە بۆ رێكخستنی بازرگانی دەرەكی لە عیراق و زیادكردنی داهاتە نانەوتییەكان و پاراستنی بەرهەمی ناوخۆییەكان، ئەم یاسایە لەڕێگەی بەرنامەی ئەسیكۆدا (ASYCUDA) جێبەجێ دەكرێت، ئامانجی سیستەكە زیادكردنی داهاتی دەوڵەت و پاراستنی پیشەسازیی ناوخۆو رێكخستنی بازاڕە بۆ رێگریكردن لەكاڵای بێ كوالێتی.

PUKMEDIA