كەشناسیی: ئەمڕۆ بارانی بەلێزمە دەبارێت

میدیاکان

بارانی بەلێزمە

بەڕێوەبەرایەتیی گشتیی كەشناسی‌ و بوومەلەرزەزانی هەرێمی كوردستان ڕایگەیاند، ئەمڕۆ بارانی بەلێزمە و تاوەبارانی بەخووڕ لە زۆرێك لە ناوچەكانی هەرێمی كوردستان دەبارێت ‌و خێرایی با لەنێوان 10 بۆ 20 كیلۆمەتر دەبێت.

هاوكات ناوەندی هاوبەشی هەماهەنگی قەیرانەكان هۆشداری دەدات، چەند ناوچەیەكی دیاریكراو دەكەونە ژێر كاریگەریی بارانی بەلێزمە و هەورەبروسكەی توند. ئەو شوێنانەش بریتین لە سنووری بەردەڕەش، مێرگەسۆر، بارزان، هەریر، پیرمام، بەحركە، بنەسڵاوە، شەمامك، دەوروبەری پردێ، چوارتا، ماوەت، قەڵادزێ، سەنگاو و تەكیەی جەباری.

لای خۆشیەوە هەڤاڵ سدیق، شارەزای بواری كەشناسی ئاشكرایكرد، هەوری چڕی باراناوی گەیشتووەتە تەواوی ناوچەكانی هەرێمی كوردستان ‌و پێشبینی تاوەبارانی بەخوڕ، بارانبارینی بەلێزمە، هەورەبروسكەی بەهێز و تەرزە بۆ زۆرێك لە ناوچەكانی هەرێمی كوردستان دەكرێت.

PUKMEDIA