وەفدێکی یەکێتی سەردانی سەرۆك عەشیرەتی هەرکی دەکات

PUKMEDIA

وەفدێکی یەکێتی لە سەردانی سەرۆك عەشیرەتی هەرکی

ئەمرۆ پينج شەمە ١٢ی شوبات ٢٠٢٦ وەفدێکی یەکێتی کە پێکهاتبوون لە زیاد جەبار ئەندامی سەرکردایەتی و لێپرسراوی بۆردی رێکخستن، مستەفا چاڵاوی ئەندامی سەرکردایەتی، ئاراس محەمەد ئاغا ئەندامی سەرکردایەتی و لێپرسراوی مەڵبەندی حەوتی نەینەوا، رێبین کوێخا تاڵب ئەندامی مەکتەبی رێکخستن لەشاری نەینەوا سەردانی (شێخ جەوهەر محی الدین ئاغا )سەرۆك عەشیرەتی هەرکی کرد, لەلایەن شێخ جەوهەر و ژمارەیەك لە خزمانی هەرکی پێشوازی کران.

سەردانێکی دۆستانە بوو، هاوکات وەفدی یەکێتی ستایشی رۆlی شێخ جەوهەر ئاغا و خزمانی هەرکی کرد لە چارەسەرکردنی پرسەکان و خەبات و قوربانیدانیان بۆ خاکی پیرۆزی کوردستان بەڕابەرایەتی یەکێتیی نیشتمانیی کوردستان بەرز نرخان .

هەروەها هیوای ساغ وسەلامەتی بۆ شێخ جەوهەر خواست ، لەلایەن خۆیەوە شێخ جەوهەر ئاغا خۆشحاڵی خۆی دەربری بەم سەردانەی وەفدی یەکێتی و پشتیوانی بەردەوامیان لەشاری نەینەوا .

PUKMEDIA