پڕۆژەیەكی گەشتیاری لەهەورامان جێبەجێ دەكرێت

PUKMEDIA

پڕۆژەی گەشتیاری لەهەورامان

لەناو سەنتەری بازاڕی بیارە، پڕۆژەیەكی گەشتیاری بەبڕی 92 ملیۆن دینار جێ بەجێ دەكرێت كەپێكدێت لە ژمارەیەك كەپری گەشتیاری.

زانا حەمەشەریف، سەرۆكی شارەوانی بیارە، بەوێبسایتی رەسمیی یەكێتیی نیشتمانیی كوردستان PUKMEDIA ی راگەیاند: لەناو سەنتەری بازاڕی بیارە، پڕۆژەیەكی گەشتیاری لەسەر بودجەی فرۆشتنی زەوی رووكن لە ناحیەی بیارەی سەر بە پارێزگای هەڵەبجە بەبڕی 92 ملیۆن دینار جێبەجێ دەكرێت.

راشیگەیاند: پڕۆژەكە لەناو سەنتەری بازاڕی بیارە جێبەجێ دەكرێت كە پێكهاتووە لە ژمارەیەك كەپری گەشتیاری و ئامانج لێی رەخساندنی هەلی كارو راكێشانی گەشتیاری زیاترە بۆ ناوچەكە. 

وتیشی: پڕۆژەكە بۆ وەرزی گەشتیاری ئامادە دەكرێت و سیمایەكی جوان بە ناوبازاڕی بیارە دەبەخشێت.

ناحیەی بیارە، سەر بە پارێزگای هەڵەبجەیە، بەهۆی هەڵكەوتەی سروشت و كەشوهەواكەیەوە بووەتە شوێنێكی گەشتیاریی و ساڵانە نزیكەی 100 هەزار گەشتیار سەردانی دەكەن.

PUKMEDIA