قوباد تاڵەبانی: یانەی سلێمانی دەگێڕینەوە بۆ سەردەمی زێڕین

راگەیاندنی قوباد تاڵەبانی

یەکەم کۆبونەوەی یانەی سلێمانی بەسەرۆکایەتی قوباد تاڵەبانی

قوباد تاڵەبانی رایگەیاند: بە شانازییەوە پۆستی سەرۆکی یانەی سلێمانیم قبوڵکرد و پلانمان هەیە قۆناغ بە قۆناغ یانەکە پێش بخەین تا ئەوە کاتەی بە نازناوەکان شاد دەبێتەوە.

قوباد تاڵەبانی لەپەڕەی تایبەتی خۆی لە فەیسبووک رایگەیاندووە: یانەی وەرزشیی سلێمانی بە مێژوویەکی ٧٠ ساڵەوە جێی شانازیی شاری سلێمانی و وەرزشی کوردستانە و تێکەڵ بە بیرەوەری چەندین نەوەی دانیشتووی ئەم شارە بووە.

وتیشی: بە شانازییەوە پۆستی سەرۆکی یانەکەم قبوڵ کرد و ئامانجمان ئەوەیە بە هاوکاریی ستافی بەڕێوەبەری یانەکە و هاندەران و جەماوەری خۆشەویست، قۆناغێکی نوێی پڕ لە دەستکەوت و شانازی بۆ یانەی سلێمانی تۆمار بکەین بە جۆرێک کە لە ئاستی ئەو پێگە مێژووییەی یانەی سلێمانی و شارە حەیاتەکەدا بێت.

ئاماژەی بەوەشداوە: پلانمان هەیە قۆناغ بە قۆناغ یانەکە پێش بخەین تا ئەوە کاتەی بە نازناوەکان شاد دەبێتەوە و دەبێتە ناوێکی دیار و شکۆدار لە گۆڕەپانە ناوخۆیی و نێودەوڵەتییەکان.

PUKMEDIA