پلەکانى گەرما بەرزدەبنەوە و نمەباران دەبارێت

healthline

باران بارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند و ئەوەى خستەڕوو:  پلەکانى گەرما بەرزدەبنەوە.

ئاماژەى بە ئەوەشداوە: سنووری پارێزگای دهۆک و ئیدارەی زاخۆ ناوچە شاخاوییەکان بە گشتی پەڵەهەور و نیمچەهەور دەبێت لە بەشەکانی رۆژهەڵاتی ئەو پارێزگایە ئەگەری نمە بارانێکی کەم هەیە، لە هەندێک کاتی نیوەڕۆ پاشان لە دوای نیوەڕۆ ئاسمان بۆ ساماڵ و پەڵەهەور دەگۆڕێت، لەگەڵ دروست بوونی تەم لە شەودا و  سنووری پارێزگای هەولێر و ئیدارەی سۆران ئاسمانی نیمچە هەور دەبێت لەسەر ناوچە شاخاوییەکان ئەگەری نمەباران هەیە، لە دوای نیوەڕۆ باران بارین کۆتای دێت ئاسامان بۆ ساماڵ و پەڵەهەور دەگۆڕێت .

سەبارەت بە سلێمانى لە راگەیەنراوەکەدا هاتووە: سنووری پارێزگای سلێمانی و هەڵەبجە و ئیدارەی راپەڕین و بەشەکانی باکووری رۆژهەڵاتی ئیدارەی گەرمیان، ئەمڕۆ تا کاتەکانی نیوەڕۆ ئاسمانی نیمچە هەور بۆ هەوری تەواو دەبێت، لەگەڵ بارینی نمە باران لە ناوچەی جیا جیادا، لە دوای نیوەڕۆ کاریگەری باران بارین کۆتای دێت لەم ناوچانە، بەڵام بە هۆی زیاد رادەی شێ لە هەوادا ئەگەری دروست بوونی تەم هەیە، لە هەندێک ناوچە لە ئێوارە و شەودا ئاسمان بۆ ساماڵ و پەڵەهەور دەگۆڕێت .

خێرایى با / لەسەر خۆ ( 5– 10) کم/ک .
ئاراستەی با / باکوورى رۆژهەڵات.
مەوداى بینین / 7 – 9 کم دەبێت لە کاتی تەم بۆ کەمتر لە 2 کم .
پلەکانی گەرما / کەمێک بەرزدەبێتەوە .

بەرزترین پلەی گەرمی پێشبینیکراو بۆ ئەمڕۆ:

هەولێر : 17 پلەی سیلیزی
پیرمام : 13 پلەی سیلیزی
سۆران : 14 پلەی سیلیزی
حاجی ئۆمەران : 6 پلەی سیلیزی
سلێمانی : 13 پلەی سیلیزی
چەمچەماڵ : 14 پلەی سیلیزی
هەڵەبجە : 13 پلەی سیلیزی
دهۆک : 15 پلەی سیلیزی
زاخۆ : 16 پلەی سیلیزی
ئاکرێ : 16 پلەی سیلیزی

سەبارەت بە سبەى پێنج شەممە ‌5ى2ى2026 به‌ڕێوه‌بەرایه‌تی گشتی كه‌شناسی و بومه‌له‌رزه‌زانی رایگەیاند: کەشی ناوچەکەمان بە گشتی ئاسمان ساماڵ و پەڵەهەور دەبێ ناوچە شاخاوییەکان بۆ نیمچەهەور دەگۆڕێت، لەگەڵ دروست بوونی تەم لە کاتەکانی بەیانی و شەودا لە هەندێک ناوچە.

خێرایى با / لەسەر خۆ ( 5 – 10 ) کم/ک .
پلەی گەرما/ بەرزدەبێتەوە .
ئاراستەی با/ باکووری رۆژهەڵات.

بەرزترین پلەکانی گەرمای پێشبینیکراو بە پلەی سیلیزی بۆ سبەى:

هەولێر : 17 پلەی سیلیزی
پیرمام : 13 پلەی سیلیزی
سۆران : 14 پلەی سیلیزی
حاجی ئۆمەران : 6 پلەی سیلیزی
سلێمانی : 14 پلەی سیلیزی
چەمچەماڵ: 15 پلەی سیلیزی
هەڵەبجە : 14 پلەی سیلیزی
دهۆک : 16 پلەی سیلیزی
زاخۆ : 17 پلەی سیلیزی
ئاکرێ : 16 پلەی سیلیزی

PUKMEDIA