لە مانگی كانونی دووەمى ئەمساڵدا 30ملم بارین زیاتر بووە

The University Qeensland

باران بارین

ئەمڕۆ یەک شەممە 1ى2ى2026  بەڕێوەبەرایەتی کەشناسی و بومەلەرزەزانی سلێمانی رایگەیاند: كۆی گشتی بارینی وەرزەكە گەیشتۆتە 519،3 ملم و لە مانگی كانونی دووەمی ئەمساڵ نزمترین پلەی گەرمی -3C°  و بەرزترین پلەی گەرمی 15C°  بووە.

بەڕێوەبەرایەتی کەشناسی و بومەلەرزەزانی سلێمانی بڵاویکردەوە: بەپێی داتا تۆماركراوەكانی وێستگەی كەشناسی سلێمانی لە مانگی كانونی دووەمی ئەمساڵ نزمترین پلەی گەرمی -3C°  و بەرزترین پلەی گەرمی 15C°  بووە.

ئاماژەى بە ئەوەشدا: تێكڕای پلەی گەرمییش لەم مانگەدا 5C° بووە، كە بەراورد بە تێكڕای پلەی گەرمی ساڵانەی مانگی كانونی دووەم، ئەمساڵ 1،8 پلە نزمتربووە.

ئەوەشى خستوەتەڕوو: بڕی بارین لەم مانگەدا 152،1 ملم بووە، كە بەراورد بە تێكڕای بارینی ساڵانەی مانگی كانونی دووەم، ئەمساڵ (30) ملم زیاتر باریوە و كۆی گشتی بارینی وەرزەكە گەیشتۆتە 519،3 ملم.

PUKMEDIA