ئەنجومەنی شێخ مەقسود و ئەشرەفییە: بەرگری دەکەین و رادەست نابین

میدیاکان

بۆردومانی گەڕەکە کوردنشینەکانی حەلەب

ئەنجومەنی  گشتی شێخ مەقسود و ئەشرەفییە بڕیاریانداوە لە گەڕەکەکانیان بمێننەوە و بەرگری لێبکەن و ئاماژە بەوەشدەکەن ئەو کۆمەڵکوژییانەی لەدژی عەلەوییەکان و دروزەکان ئەنجام دەدرێن لە گەڕەکەکانمان دووبارە دەبێتەوە، فەرماندەی هێزەکانی ئاسایشی ناوخۆش رایدەگەیەنێت چه‌كدارانی سه‌ر به‌دیمه‌شق به‌رده‌وام هه‌ڵدێن و پێویسته‌ ئه‌مڕۆ هه‌موان چیرۆكی سه‌ركه‌وتنی ئێمه‌ بنوسنه‌وه‌.

ئەنجومەنی گشتی گەڕەکی شێخ مەقسود و ئەشرەفیە بەیاننامەکەیان لەسەر پێشهاتەکانی حەلەب بڵاوکردەوە و داوایان کرد کە گەل لەگەڵیان بوەستن و کۆببنەوە بۆ بەرگریکردن لە گەڕەکەکانیان.

ئەنجومەنەکە راشیدەگەیەنێت: بۆردومانی گروپە چەکدارەکان مزگەوتەکان، قوتابخانەکان، نەخۆشخانەکان، ماڵە مەدەنییەکان، و دامەزراوە خزمەتگوزارییەکانی کردۆتە ئامانج، دووپاتیشی دەکەنەوە، کە گەلەکەمان و هێزەکانی ئاسایشی ناوخۆمان لە بەرامبەر ئەم هێرشانەدا خۆڕاگرییەکی گەورە نیشان دەدەن.

دەشڵێن: ئەم هێرشانە بە مانای گۆڕینی پێکهاتەی دیمۆگرافی شارەکە و تێکدانی ڕێککەوتنی یەکی نیسانە.

ئەنجومەنی شێخ مەقسود و ئەشرەفیە رەخنە لە بێدەنگی کۆمەڵگەی نێودەوڵەتی دەگرن و رایدەگەیەنن: بە توندی ئیدانەی بێدەنگی نێودەوڵەتی ئەو زلهێزانە دەکەین کە لە ڕێککەوتنەکانی 10ی ئازار و 1ی نیساندا ئامادەبوون.

پەیوەست بە بڕیاری خۆیان بۆ بەرگریکردن لە گەڕەکەکانیان، ئەنجومەنی گشتی گەڕەکی شێخ مەقسود و ئەشرەفیە دووپاتی دەکەنەوە: ئێمە بڕیارمانداوە لە گەڕەکەکانمان بمێنینەوە و بەرگری لێبکەین، و تەسلیم نابین.

دەشڵێن: ئەو فشارانە قبوڵ ناکەین کە بەسەرماندا سەپێنراوە و  بانگەوازەکانی تەسلیمبوون قبوڵ ناکەین،چونکە متمانەمان بە حکومەتی دیمەشق نییە کە ئاسایشی خۆمان بە ئێمە بسپێرێت، بڕیارمان داوە لە گەڕەکەکانمان بمێنینەوە و بەرگرییان لێ بکەین.

 هاوکات، فه‌رمانده‌ی هێزه‌كانی ئاسایشی ناوخۆ له‌ حه‌له‌ب ڕایگه‌یاند، چه‌كدارانی سه‌ر به‌دیمه‌شق به‌رده‌وام هه‌ڵدێن .
ئاماژە بەوەشدەکات  پێویسته‌ ئه‌مڕۆ هه‌موان چیرۆكی سه‌ركه‌وتنی ئێمه‌ بنوسنه‌وه‌ و به‌ هیچ بنه‌مایه‌كی شكست بونی نییه‌ و ئێمه‌ سه‌رده‌كه‌وین.

ده‌شڵێت "ئێمه‌ نه‌ك ته‌نها له‌بری رۆژئاڤای كوردستان، به‌ڵكو له‌ بری هه‌مو كورد شه‌ڕ ده‌كه‌ین".

PUKMEDIA