کەشناسی هەرێم: شەپۆلی بەفر و باران کۆتایی دێت

PUKMEDIA

بارانبارین

کەشناسی هەرێم پێشبینی کۆتایی هاتنی ئەو شەپۆلی بەفر و بارانە دەکات کەماوەی چەن رۆژێکە هەرێمی گرتۆتەوە، هاوکات پێشبینی بەردەوامی تەم دەکات لە هەندێک ناوچە.

بەڕێوەبەرایەتی کەشناسی و بومەلەرزەزانی هەرێم رێژەی بارانی 12 سەعاتی رابردووی هەندێک لە ناوچەکانی هەرێمی راگەیاندووە کە بەم شێوەیەی خوارەوەیە:

هەولێر دڵۆپ دڵۆپ باریوە
پیرمام 0.3 ملم
سلێمانی 7.9 ملم
چەمچەماڵ 2.7 ملم
ئاکرێ 0.2 ملم
ئامێدی 9.0 ملم
بامەرنێ 11.4 ملم
بازیان 3.4 ملم
دەربەندیخان 49.6 ملم
هەڵەبجە 27.6 ملم
کەلار 2.8 ملم
مەیدان 24.4 ملم
چۆمان 6.8 ملم

ئەوەشی راگەیاندووە، کە پێشبینی دەکرێت لەدوای نیوە شەو شەپۆلی بەفر و باران بارین کۆتایی بێت کە چەند رۆژێکە هەرێمی کوردستانی گرتۆتەوە.

ئاماژەی بەوەش داوە، بۆ سبەی بەیانی رۆژی شەممە ئاسمان نیمچە هەور بۆ پەڵەهەور دەبێت و نزمترین پلەکانی گەرما (1-3) پلە نزمدەبێتەوە لە سەنتەری شارەکان  وە لە ناوچە شاخاوییەکان (2-4)پلە نزمدەبێتەوە بەبەراورد بە پلەکانی گەرمی ئەمڕۆ بەڵام بەرزترین پلەکانی گەرما (2-3) پلە بەرزدەبێتەوە هەروەها پێشبینی دروست بوونی تەم هەیە لە هەندێک لە ناوچەکانی گەرمیان و ناوچەکانی رۆژئاوای سلێمانی و چەمچەماڵ و بازیان و قەرەداغ و تەکیە و ناوچەکان ڕاپەڕین و  هەندێ لە ناوچە شاخاوییەکانی هەولێر و دهۆک .

PUKMEDIA