زۆرترین رێژەی بارانبارین لە سنوری سلێمانی بووە

BBC

بارانبارین

لەماوەی 24 سەعاتی رابردوودا زۆرترین رێژەی بارانبارین لە قەزای پێنجوێنی سەر بە پارێزگای سلێمانی بووە، کە 30 ملم باران باریوە، کەمترین رێژەی بارانبارینیش لەزۆرێک لە ناوچەکانی سەر بەپارێزگای دهۆک بووە, کە رێژەکەی سفرە.

بەڕێوەبەرایەتی گشتی کەشناسی و بومەلەرزەزانی هەرێم لە راگەیەندراوێکدا زۆرترین رێژەی بارانبارینی 24 سەعاتی رابردووی هەرێمی راگەیاند و بەپێی راگەیەندراوەکە زۆرترین رێژەی باران لە قەزای پێنجوێنی سەربە پارێزگای سلێمانی بووە، کە 30 ملم بووە، کەمترین رێژەی بارانبارینیش لەزۆرێک لە ناوچەکانی سەر بەپارێزگای دهۆک بووە کە رێژەکەی سفرە.

بەپێی زانیارییەکان ئەو شوێنانەی کەشوهەوا تێیدا ساردە و کەشی بارانبارین تێیدا زاڵە و لەناو لیستەکەدا رێژەی بارانی کەمە، بەهۆی بارینی بەفرەوەیە لەو ناوچانە.

هاوکات لە ناوچەکانی پیرمام و خەبات و شەقلاوە و کۆیە و سیدەکان و دیبەگە و چۆمان و خەلیفان و بەنداوی دوین و چەمچەماڵ و دوکان و بازیان و رانییە و قەڵادزێ و چوارقورنە و  چەندین ناوچەی سەر بە پاریزگاکانی هەرێم لەسەروو 10 ملیمەوە بووە.

هاوکات بەشێکی تر لەناوچەکانی سەر بە پارێزگاکانی هەرێم لەخوار و 10 ملم یاخود هەر بارانیان تێدا نەباریوە.

بەپێی پێشبینییەکانی کەشناسیش بەفر و باران تا کۆتایی ئەمساڵ و سەرەتای ساڵی نوێ بەردەوام دەبێت و بەو پێیەش رێژەی بارانبارین لەهەرێم بەرزدەبێتەوە.

PUKMEDIA