ڕفعەت عەبدوڵا: بەپێی زەروریەتی قۆناغەکە کادر و ئۆرگانەکان رێکدەخەینەوە

نوسینگەی ڕاگەیاندنی جێگری سەرۆکی (ی.ن.ک)

ڕفعەت عەبدوڵا و سەرکەوت زەکی

جێگری سەرۆکی یەکێتی لە کۆبونەوەی لەگەڵ ئەندامانی مەکتەبی سیاسی و لێپرسراوو دەستەی کارگێڕی مەڵبەندی گەرمیان رایگەیاند: پرۆسەی تواناسازی لەکادرو رێکخستنەوەی کۆی ئۆرگانەکان بەپێی زەروریەتی قۆناغەکە دەبێت.

هەڤاڵ ڕفعەت عەبدوڵا، جێگری سەرۆکی یەکێتیی نیشتمانیی کوردستان، بەئامادەبوونی هەڤاڵان سەرکەوت زەکی، ئەندامی مەکتەبی سیاسی و ستران عەبدوڵا، ئەندامی سەرکردایەتی، لەگەڵ لێپرسراوو دەستەی کارگێڕی مەڵبەندی گەرمیان کۆبوەوە.

لە کۆبونەوەکەدا رایگەیاند: زەرووریەتی قۆناغەکە وادەخوازێت پرۆسەی تواناسازی لەکادرو رێکخستنەوەی کۆی ئۆرگانەکان بەوجۆرەی ئەرکە هەنوکەییەکان داوامان لێدەکات جێبەجێبکەین.

PUKMEDIA