سه‌ندیكای رۆژنامه‌نووسان پشتگیری له‌ نووسه‌ر و بیرمه‌ندان دەکات

میدیاکان

لۆگۆی سەندیکای رۆژنامەنوسانی کوردستان

سه‌ندیكای رۆژنامه‌نووسانی كوردستان، ناڕه‌زایه‌تی خۆی له‌به‌رامبه‌ر خراپ به‌كارهێنانی بڕگه‌و مادده‌ یاساییه‌كان بۆ به‌رته‌سك كردنه‌وه‌ی ئازادی بیروڕا  ده‌رده‌بڕێت و پشتگیری خۆیشی بۆ نووسه‌ری دیاری كوردستان حه‌مه‌سه‌عید حه‌سه‌ن و نووسه‌ر و لێكۆڵه‌رد.یونس راوی دووپاتدەکاتەوە.

ئەمڕۆ 28ی12ی2025، لیژنه‌ی داكۆكی له‌ ئازادی و مافی رۆژنامه‌نووسان لە سەندیکاری رۆژنامەنوسانی کوردستان لە راگەیەندراوێکیدا ئاماژەی بەوەکرد: سه‌ندیكای رۆژنامه‌نووسانی كوردستان، ناڕه‌زایه‌تی خۆی له‌به‌رامبه‌ر خراپ به‌كارهێنانی بڕگه‌و مادده‌ یاساییه‌كان ده‌رده‌بڕێت بۆ به‌رته‌سك كردنه‌وه‌ی ئازادی بیروڕا و داهێنانی نووسه‌ر و بیرمه‌ندانی كوردستان.

 سه‌ندیكا ته‌واوی پشتگیری خۆی بۆ نووسه‌ر و بیرمه‌ندی دیاری كوردستان حه‌مه‌سه‌عید حه‌سه‌ن و نووسه‌ر و لێكۆڵه‌ری دیار د.یونس راوی راگەیاند و ئاماژەی بەوەکرد:  له‌و كه‌یسه‌ یاساییانه‌ی له‌دژیان كراوه‌ته‌وه‌و هه‌وڵی چه‌ند باره‌ ده‌درێت، پانتایی دیموكراسی و ئازادی راده‌بڕین به‌خراپ سوود وه‌رگرتن له‌یاسا به‌ركاره‌كان به‌رته‌سك بكرێته‌وه‌.

PUKMEDIA