دەرباز کۆسرەت رەسوڵ بۆ د.بەرهەم ساڵح: كاركردنت له‌سه‌ر رێبازی مام جه‌لال و بیری یه‌كێتیانه‌ شانازییە

نوسینگەى رۆژنامەوانى دەرباز کۆسرەت رەسوڵ

دەرباز کۆسرەت رەسوڵ

دەرباز کۆسرەت رەسوڵ به‌بۆنه‌ی هه‌ڵبژاردن د. به‌رهه‌م ساڵح وه‌ك كۆمسیاری كۆمسیۆنی باڵای په‌نابه‌رانی نه‌ته‌وه‌ یه‌كگرتووه‌كان UNHCR پەیامێکى پیرۆزبایى ئاڕاستەکرد و رایگەیاند: ئه‌م ده‌ستكه‌وته‌ به‌سه‌ره‌تای قۆناغێكی نوێ ده‌زانین و ‌ پێشهاتێكی نوێیه‌ كه‌ كوردێک‌ بەلێهاتووییەوە‌ ده‌توانێت پرسێكی هه‌ستیاری نێوده‌وڵه‌تی به‌رێوه‌ببات، كاركردنت له‌سه‌ر رێبازی مام جه‌لال و بیری یه‌كێتیانه‌ بووه‌ مایه‌ی شانازی بۆ هه‌مووان.

دەقى پەیامەکە:

برای به‌ڕێزمان دكتۆر به‌رهه‌م ساڵح

به‌بۆنه‌ی هه‌ڵبژاردنت وه‌ك كۆمسیاری كۆمسیۆنی باڵای په‌نابه‌رانی نه‌ته‌وه‌ یه‌كگرتووه‌كان UNHCR   پڕ به‌دڵ پیرۆزبایت لێدەکەین.

هه‌ر له‌یه‌كه‌مین دیدارمان هه‌ستێكی قوڵمان هه‌بوو كه‌وا سه‌رجه‌م سنوره‌ لۆكاڵییه‌كان تێده‌په‌رێنی و پێگه‌یه‌كی جیهانیت ده‌بێت، ئه‌مڕۆ ساتی به‌دیهاتنی ئه‌و پێگه‌ نێوده‌وڵه‌تییه‌ شایسته‌یەیه‌ به‌ دیبلۆماتكارێكی گه‌وره‌ی كورد، كه‌ مایه‌ی شانازی زۆره‌ بۆ هه‌موومان.

ئه‌م ده‌ستكه‌وته‌ به‌سه‌ره‌تای قۆناغێكی نوێ ده‌زانین و ‌ پێشهاتێكی نوێیه‌ كه‌ كوردێک‌ بەلێهاتووییەوە‌ ده‌توانێت پرسێكی هه‌ستیاری نێوده‌وڵه‌تی به‌رێوه‌ببات، كاركردنت له‌سه‌ر رێبازی مام جه‌لال و بیری یه‌كێتیانه‌ بووه‌ مایه‌ی شانازی بۆ هه‌مووان.

ئه‌م هه‌واڵه‌ كاكی كاكانی زۆر دڵخۆشكرد، وه‌ك دۆستێكی راسته‌قینه‌ت شانازی به‌م ده‌ستكه‌وته‌ت ده‌كات، دڵنیاین لێره‌وه‌ جیهان شاهێدی ئه‌و گۆرانكارییه‌ ده‌بێت كه‌ بیری فراوانی تۆ و توانسته‌ دیبلۆماسییه‌كه‌ت به‌دیده‌هێنێت.

هیوادارین له‌م وێستگه‌ گرنگه‌ی ژیانت سه‌ركه‌وتنێكی دیكه‌ بخه‌یته‌ سه‌ر كاروانی سه‌ركه‌وتنه‌كانی دیكه‌ت بۆ کوردو کوردستان و عیراق و گەلانی ستەمدیدە، كار بۆ ئاشتی و سه‌قامگیری جیهانی بكه‌یت، وه‌ك چۆن هه‌میشه‌ كارت بۆ خۆشگوزه‌رانی هه‌مووان كردووه‌.

دەرباز کۆسرەت رەسوڵ

PUKMEDIA