نێروەیی: پەیامی بەشێک لەبەرپرسانی پارتی بۆنی دوو ئیدارەیی لێدێت

PUKMEDIA

لەتیف نێروەیی

لەتیف نێروەیی لە وتارێکیدا رایگەیاند: پەیامی بەشێک لەسەرکردەکانی پارتی بۆنی دوو ئیدارەیی لێدێت، ئەم جۆرە لێدوان و بیرکردنەوەیە هیچ نرخ و بەهایەکی نییە و تەنها بەربەست لەبەردەم ئەنجامدانی دانوستانێکی هاوسەنگ و بەرپرسیارانە دروست دەکات.

لەتیف نێروەیی لێپرسراوی بۆردی راگەیاندنی یەکێتی لە وتارێکیدا بەناونیشانی (دوو رۆژە پەیامی بەشێک لە بەرپرسانی پارتی بۆنی دوو ئیدارەیی لێدێت)، کەلە بەشی وتاری PUKMEDIA بڵاوکراوەتەوە رایدەگەیەنێت: میدیا و سەرکردەکانی یەکێتی پابەندن بە رەخساندنی کەشێکی ئارامی میدیای، بۆ گەیشطن بە دانوستان لەنێوان یەکێتی و پارتی، بەڵام بەشێک لەسەرکردەکانی پارتی ئەو دۆخەیان بەدەرفەت زانی و دەستیانکردووە بە لێدوان و پەیامی سەیرو سەمەرەو ناوەرۆکی پەیامی بەشێکیان بۆنی دوو ئیدارەیی لێدێت.

ئەوەشی نوسیوە: بەشێکیشیان کاتێک باسی دانوستان و دابەشکردنی پشکەکان دەکەن دیدگایەکی زۆر نالۆژیکی و هەڵەیان هەیەو وادەزانن خێرێک بەیەکێتی دەکەن و کەی ویستیان خێرەکە رادەگرن، ئەم جۆرە لێدوان و بیرکردنەوەیە هیچ نرخ و بەهایەکی نییە و تەنها بەربەست لەبەردەم ئەنجامدانی دانوستانێکی هاوسەنگ و بەرپرسیارانە دروست دەکات، کە پێدەچێت مەبەستی سەرەکییان هێشتنەوەی دۆخی ئێستای هەرێمی کوردستان بێت نەک پێکهێنانی حکومەتێکی نوێی خزمەتگوزارو دادپەروەر، گەر وانیە یۆ دەبێ تەنها لە دوو رۆژی رابردودا پێنج سەرکردەی ئەوان لە پێنج پەیامی جیاوازدا  بەئارەزوی خۆیان و لە دەرەوەی بەڵێنی هێورکردنەوەی دۆخەکە فاڵ بۆ یەکێتی بگرنەوە.


PUKMEDIA