وتەبێژی یەکێتی: لەمەرجەکانمان بۆ پێکهێنانی حکومەتی داهاتوو ناکشێینەوە

PUKMEDIA

کاروان گەزنەیی

وتەبێژی یەکێتی رایگەیاند: یەکێتی هاوبەشی راستەقینەی لە حکومەتی داهاتووی هەرێم دەوێت و لەهیچ کام لەو خاڵانەی بۆ پێکهێنانی حکومەت پێشکەشمان کردووە ناکشێینەوە.

كاروان گه‌زنه‌یی، وته‌بێژی یه‌كێتیی نیشتمانیی کوردستان لە کۆنگرەیەکی رۆژنامەوانیدا رایگه‌یاند: ئێمە وەک یەکێتی و پارتی دوو حزبی سیاسی جیاوازین و خاوەنی دوو دیدگای سیاسی جیاوازین هیوادارین بتوانین دیدگا و تێڕوانینەکانمان کۆبکەینەوەو خزمەتی خەڵکی کوردستانی پێبکەین بۆ هەبوونی حکومەتێکی خزمەتگوزاری دادپەروەری سەرتاسەری لەهەرێمی کوردستان.

وتیشی: یەکێتی مەبەستێتی هاوبەشێکی راستەقینەی پارتی بێت لە حکومەتی داهاتوو، پڕۆژه‌یه‌كمان بۆ پێكهێنانی حكومه‌تی هه‌رێمی كوردستان پێشكه‌شكردوه‌ و پاشه‌كشه‌ لەهیچ خاڵێکی ناكه‌ین، چونکە ئەو پۆستانەی داوامان کردووە ئیستحقاقی هەڵبژاردنی یەکێتییە، به‌ڵام ئێستا یه‌كده‌نگی بوه‌ته‌ زه‌روریه‌ت و هەردوولا مەسولیاتێکی گەورەمان لەسەر شانە، پێویستمان بە یەک وتاری و یەک دەنگی هەیە بۆ بەدەستهێنانی مافەکانمان لەبەغداد، یه‌كێتی و پارتی ده‌بێت هه‌ست به‌ به‌رپرسیارێتی بكه‌ن و دەبێت هەردوولا لەپێناو نیشتمانەکەمان تەنازول بکەین.

لەبارەی پۆستی سەرۆککۆماری حکومەتی نوێی عیراقیشەوە وتەبێژەکەی یەکێتی وتی: کاندیدمان بۆ پۆستی سەرۆککۆماری عیراق دەبێت و هەر خۆشمان دیاری دەکەین.

PUKMEDIA