خێرایی با كەمدەبێتەوە

PUKMEDIA

کەشوهەوا

بەپێی پێشبینییەكانی كەشناسی، لە 48 سەعاتی داهاتوودا پلەكانی گەرما كەمێك بەرز دەبنەوە و خێرایی با لەسەرخۆ و مامناوەند دەبێت.

بەرێوبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی بڵاوكردەوە و بەپێی پێشبینییەكان، ئەمڕۆ پێنج شەممە، ئاسمان بە گشتی لەنێوان ساماڵ و پەڵەهەوردا دەبێت و لە هەندێك ناوچەش دەگۆڕێت بۆ نیمچەهەور، هاوكات خێرایی با لەسەرخۆ و مامناوەند دەبێت و 10-20 كم دەبێت لە سەعاتێكدا.

كەشناسی هەرێم راشیگەیاند: سبەینێ هەینی 19ی 12ی 2025، ئاسمان  ساماڵ و پەڵە هەور دەبێت، هەروەها پلەكانی گەرما كەمێك بەرز دەبنەوە بە بەراورد بە تۆماركراوەكانی دوێنێ .

بەرزترین پلەكانی گەرمای پێشبینیكراو بە پلەی سیلیزی بەم شێوەیە دەبێت:

هەولێر : 16 پلەی سیلیزی

سلێمانی : 14 پلەی سیلیزی

دهۆك : 15 پلەی سیلیزی

زاخۆ  : 17  پلەی سیلیزی

كەركوك : 17 پلەی سیلیزی

هەڵەبجە : 15 پلەی سیلیزی

سۆران : 12 پلەی سیلیزی

گەرمیان  : 18 پلەی سیلیزی

PUKMEDIA