دابەشکردنی مووچە لەهەرێم کۆتایی دێت

PUKMEDIA

دراوی عیراقی

وەزارەتی دارایی، خشتەی مووچەی مانگی ئەیلولی مووچەخۆرانی هەرێمی كوردستانی راگەیاند و بەپێی خشتەكەش، ئەمڕۆ کۆتایی بەدابەشکردنی مووچەی مانگی ئەیلول دێت و چەند وەزارەتێك مووچە وەردەگرن.


ئەمڕۆ سێشەممە 2ی12ی2025، کۆتایی بە بەدابەشكردنی مووچەی مانگی ئەیلوولی فەرمانبەران و مووچەخۆرانی هەرێمی كوردستان دێت و هەریەک لە ( پێشمەرگە (دیوان،لیواکان)، یەکەی 70 و 80،ب.پۆلیسی دام و دەزگا نەوتییەکان، ئەنجومەنی ئاسایش و دەزگای ئاسایش) مووچە وەردەگرن.


ئەمەش لەکاتێکدایە، وه‌زاره‌تی دارایی و ئابوری هه‌رێم رۆژی 19ی11ی2025، داهاتی نانه‌وتی هه‌رێم بۆ مانگی ئه‌یلول كه‌ بڕ‌ه‌كه‌ی 120 ملیار دینار بوو به‌شێوه‌ی كاش خسته‌ سه‌ر هه‌ژماری بانكی وه‌زاره‌تی دارایی حكومه‌تی فیدراڵ له‌ لقی هه‌ولێری بانكی ناوه‌ندی عیراق، هاوكات رۆژی 29ی11ی2025، بڕی 941 ملیار و 874 ملیۆن دینار وەک تەمویلی مووچەی مانگی ئەیلولی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عیراق.

هاوکات رۆژی 27ی 10ی 2025، لەهەرێم دەست بەدابەشکردنی مووچەی مانگی ئاب کرا و بە سێ رۆژ مووچەی مووچەخۆرانی هەرێمی کوردستان دابەشکرا.

PUKMEDIA