قوباد تاڵەبانی: یەکێتی خوێنی شەهیدان بە دەمارەکانیدا دەگەڕێت

PUKMEDIA

قوباد تاڵەبانی لێپرسراوی مەکتەبی سکرتاریەتی سەرۆک مام جەلال

قوباد تاڵەبانی لە رۆژی شەهیدی یەکێتیدا پەیامێک بڵاودەکاتەوەو رایدەگەیەنێت: یەکێتی کە دڵۆپ دڵۆپ خوێنی شەهیدان بە دەمارەکانیدا دەگەڕێت، رانەهاتووە بە کۆڵدان و سەردانەواندن و سەرکەوتن لە چارەنووسیدا نووسراوە.

قوباد تاڵەبانی لێپرسراوی مەکتەبی سکرتاریەتی سەرۆک مام جەلال لەپەیامێکیدا بۆ رۆژی شەهیدی یەکێتی رایگەیاند: رێبازێک کە بە خوێنی گەش و پیرۆزی 27  هەزار شەهید نەخشێندرابێت، بە مانای وشە رێبازی گەل و خاکی کوردستانە، هەربۆیە یەکێتی کە دڵۆپ دڵۆپ خوێنی شەهیدان بە دەمارەکانیدا دەگەڕێت، رانەهاتووە بە کۆڵدان و سەردانەواندن و سەرکەوتن لە چارەنووسیدا نووسراوە.

وتیشی: لە رۆژی شەهیدی یەکێتیدا پەیمان نوێ دەکەینەوە لەگەڵ خوێنی شەهیدەکانمان و کەسوکاری سەربەرزیان کە رێگاکەیان بەرنادەین و یەکێتی بۆ هەمیشە لە بەرەی داکۆکیکردن لە خەڵک و پاراستنی خاکی کوردستاندا دەمێنێتەوە.

PUKMEDIA