مەکتەبی سکرتارییەت: یەکێتی پشتیوان بە رۆڵە دڵسۆزەکانى بۆ پێشەوە هەنگاودەنێت

راگەیاندنى مەکتەبی سکرتارییەتی سەرۆک مام جەلال

وێنەى یەکێک لە سەردانەکان

مەکتەبی سکرتارییەتی سەرۆک مام جەلال لە شاری رانیە لە دوو سەردانی جیادا هەریەک لە عوسمان محەمەد ئەمین ناسراو بە ( عوسمان ـە بچکۆل ) و بنەماڵەی کۆچکردو حارس ئاغای وەرتێ ـ یان بەسەرکردەوە .

مەکتەبی سکرتارییەتی سەرۆک مام جەلال لە نزیکەوە هاوخەمییان دەربڕی بۆ کوڕان و بنەماڵەی کاک حارس ئاغای وەرتێ بۆ کۆچی دوای فەرماندە و تێکۆشەری دێرین کاک ( حارس ئاغا ) وەک فەرماندەیەکی دیار و بە ورەی رۆژە سەختەکانی خەباتی کوردایەتی، کە  لەهەر کوێیەک مەترسییەک هەبوو بێت لەسەر گەل و نیشتمانەکەی لە ریزی پێشەوەی رووبەڕووبونەوەکاندا وەستاونەتەوە ئەمڕۆش، جێگای خۆشحاڵی و پێزانینمانە ئەم هەڵوێستە بەرزەی کوردایەتی لە کوڕان و بنەماڵەکەشی دەبینێرێت.

هاوکات هەر لە شاری رانیە،  مەکتەبی سکرتارییەتی سەرۆک مام جەلال لە نزیکەوە چاویانکەوت بە عوسمان محەمەد ئەمین و لە بارودۆخی تەندروستیان پرسییەوە و ستایشی رابردووی پاک و پڕ لە سەروەرییان کرد وەک پێشمەرگەی مەفرەزە سەرەتاییەکانی شۆڕش، کە دوای هەرەس بە چڕی و بە پلانی نوێوە دەستیان دایەوە هەڵگیرسانەوەی شۆڕش، لەم دەڤەرەش بوون بە بەشێک لە سەرکەوتنەکانی خەباتی چەکداری و شۆڕشی نوێ بەرامبەر بە دوژمنی بەعسی رووخاو، کە ئەمەش لای ئێمە جێگای رێز و تەقدیرە .

لەم دیدەوە  مەکتەبی سکرتارییەتی سەرۆک مام جەلال پەیام و سڵاوی یەکێتیانەی سەرۆک بافڵ جەلال تاڵەبانی، هەڤاڵ قوباد تاڵەبانی ـ یان ئاڕاستەکردن و روونیانکردەوە یەکێتیی نیشتیمانی پشت ئەستور بە رۆڵە دڵسۆز و خەباتگێڕەکانی خۆی وەک رابردوو لەم قۆناغەشدا هەر بۆ پێشەوە هەنگاو دەنێت .

PUKMEDIA