مەکتەبی سکرتارییەت دوو تێکۆشەری دێرین بەسەردەکاتەوە

نوسینگەی رۆژنامەوانی مەکتەبی سکرتارییەت

مەکتەبی سکرتارییەت دوو تێکۆشەری دێرینی بەسەرکردەوە

رۆژی 19ی 11 2025 مەکتەبی سکرتارییەتی سەرۆک مام جەلال لە شارۆچکەی سەنگەسەر، لە دوو سەردانی جیادا، هەریەک لە  فەرماندەو تێکۆشەرانی دێرین، هەڤاڵان (فەرید خضر مەلا، رەشاد حەمەد ئەمین) یان بەسەرکردەوە. 

لەو سەردانانەدا،  مەکتەبی سکرتارییەت لە نزیکەوە لە باردۆخی تەندروستی  فەرید خظر یان پرسییەوە و هیوای سەلامەتی زیاتر و تەندروست باشییان بۆ خواست . 

 مەکتەبی سکرتارییەت  بە گرنگییەوە باسیان لە خەباتی پڕ شانازی و تێکۆشانی هەردوو هەڤاڵ “فەرید خضر و رەشاد حەمەد“ کرد وەک دوو شۆڕشگێڕ و قاڵبووی خەباتی کوردایەتی دەڤەری سۆران، کە بەوپەڕی دڵسۆزیی و نەبەردییەوە بەرەو ڕووی تەحدییەکان دە وەستانەوەو بەهەڵوێستەکانیان ببوون بە دوو قەڵای پتەوی پێشمەرگەو یەکێتیی ، بۆ ساتێکیش دانەبڕان لە بەرەی گەلەکەیان و وەک دوو فەرماندەی ئازاو قارەمان لەو دەڤەرە خەباتیان کرد لەبەرامبەر ئەو مێژووەش  سڵاوی یەکێتییانەی سەرۆک بافڵ و هەڤاڵ قوباد تاڵەبانی ـیان ئاڕاستەکردن و هیوای سەلامەتی و تەندروست باشییان بۆ خواستن.

لای خۆیانەوە، هەڤاڵانی سەربەرز فەرید خظر و رەشاد حەمەد سوپاسی ئەو سەردانەیان کردو بە بایەخەوە باسیان لە وەفای یەکێتیی بۆ کادیرو تێکۆشەرە دێرینەکانی کرد، هەروەها دووپاتیانکردەوە: وەک رابردوو هەمیشە لە سەنگەری پێشەوەی کوردایەتیدا دەبن و لە هەر شوێنێک مەترسییەک هەبێت پێشمەرگەی گەلی کورد و یەکێتیی دەبن.

PUKMEDIA