پێشبینى بارینى بەفر دەکرێت

Bristolive

بەفربارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند بەپێی راگەیەنراوەکە: ئەمڕۆ لە زۆربەی ناوچەکان باران بارین لەسەرخۆ و مامناوەند دەبێت و سبەینێ لە هەندێک کات و شوێن بارانی بە لێزمە و هەورە تریشقە دەبێت.

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی له‌ راگه‌یه‌ندراوێكدا بڵاویكرده‌وه: ئەمڕۆ شەممە 15ى11ى2025 ئاسمان نیمچە هەور و هەوری باراناوی دەبێت، لە زۆربەی ناوچەکان باران بارین لەسەرخۆ و مامناوەند دەبێت و خێرایی با لە گەڵیدا چالاک دەبێت، لە دواینیوەڕۆوە هەندێک شوێن بارانی بە لێزمە و هەورە تریشقەی هەیە.

ئاماژەبەوەشدراوە: پێشبینی بارینی بەفرێکی کەم  لە ناوچەشاخاویە سنوورییەکان هەیە.

هاوکات لە راگەیەنراوەکەدا هاتووە: پلەکانی گەرما  کەمێک بەرزتر دەبێتەوە بەراورد بە تۆمارکراوەکانی دوێنێ.

خێراى با / مامناوەند ( 15 – 25 ) کم/ک، لە هەندێک کات چالاک دەبێت بۆ سەرووی 35 کم/ک.
ئاڕاستەی با /  باشووری خۆرهەڵات دەبێت.
مەوداى بینین /  لە نێوان ( 8 – 10 ) کم دەبێت.

پەیوەست بە کەشى سبەی یەکشەممە 16ى11ى2025 به‌ڕێوه‌بەرایه‌تی گشتی كه‌شناسی و بومه‌له‌رزه‌زانی  پیشبینی دەکات: ئاسمان هەوری باراناوی دەبێت، لە زۆربەی ناوچەکان باران بارینی لەسەرخۆ و مامناوەند دەبێت، لە هەندێک کات و شوێن بارانی بە لێزمە و هەورەتریشقەی هەیە.

ئاماژەى بەوەشداوە: پلەکانی گەرما  بەگشتی نزیک دەبێتەوە، بەراورد بە تۆمارکراوەکانی ئەمڕۆ.

خێراى با / مامناوەند ( 10 – 20 ) کم/ک.
ئاڕاستەی با /  باشووری خۆرهەڵات دەبێت.
مەوداى بینین /    ( 8 – 10) کم دەبێت.

پلەکانی گەرما بەم شێوەیە دەبێت:

هەولێر : 20 پلەی سیلیزی
سلێمانی : 19 پلەی سیلیزی
دهۆک : 18 پلەی سیلیزی
زاخۆ  : 19  پلەی سیلیزی
کەرکوک : 21 پلەی سیلیزی
هەڵەبجە : 20 پلەی سیلیزی
سۆران : 17 پلەی سیلیزی
حاجی ئۆمەران : 7 پلەی سیلیزی
گەرمیان : 22 پلەی سیلیزی

PUKMEDIA