باران بارین دەستپێدەکات

The University Qeensland

باران بارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند و بەپێی راگەیەنراوەکە: ئەمڕۆ هەور دەبێت و سبەینێش لە زۆربەرى ناوچەکان باران دەبارێت.

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی له‌ راگه‌یه‌ندراوێكدا بڵاویكرده‌وه: ‌ئەمڕۆ هەینى 14ى11ى2025  ئاسمان پەڵە هەور بۆ نیمچە هەور دەبێت، پاشان دەگۆڕێت بۆ هەوری تەواو ، لەناوچەکانی رۆژئاوای هەرێم ئەگەری کەمێک تۆزوخۆڵ هەیە ،لە ئێوارەدا سەرەتا نمە باران لە ناوچە شاخاویەکانی باکوور و رۆژئاوای هەرێم دەست پێدەکات، پاشان رێژەی دابارین زیاد دەکات و کاریگەری باران بارین درێژدەبێتەوە بۆ زۆربەی ناوچەکانی دیکەى هەرێم.

هاوکات لە راگەیەنراوەکەدا هاتووە: پلەکانى گەرما کەمێک نزمتر دەبێت بەراورد بە تۆمارکراوەکانی دوێنێ.

خێراى با / لەسەرخۆ - مام ناوەند ( 10 – 25 ) کم/ک.
ئاڕاستەی با / باشووری خۆرهەڵات دەبێت.
مەوداى بینین / لە نێوان ( 7 – 9 ) کم دەبێت.

پەیوەست بە کەشى سبەی شەممە 15ى11ى2025  به‌ڕێوه‌بەرایه‌تی گشتی كه‌شناسی و بومه‌له‌رزه‌زانی  پیشبینی دەکات: ئاسمان بە گشتی هەوری باراناوی دەبێت، لە زۆربەی ناوچەکان باران بارین دەبێت، هەندێککات لە هەندێک ناوچە بۆ لێزمە باران و هەورە تریشقە دەگۆڕێت، هەروەها پێشبینی دەکرێت لە ناوچە شاخاویە بەرزەکان و ناوچە سنووریەکان کەمێک بەفربارنن هەبێت.

ئاماژەى بەوەشداوە: پلەکانی گەرما بە نزیکی 4 تــــــا 6 پلە نزمتر دەبێت، بەراورد بە تۆمارکراوەکانی ئەمڕۆ.

خێراى با / مام ناوەند دەبێت ( 15 – 25 ) کم/ک، لە هەندێک کات چالاک دەبێت بۆ سەرووی 35 کم/ک.
ئاڕاستەی با / باشووری خۆرهەڵات دەبێت.
مەوداى بینین / ( 6 – 8 ) کم دەبێت .

پلەکانی گەرما بەم شێوەیە دەبێت:

هەولێر : 22 پلەی سیلیزی
سلێمانی : 19 پلەی سیلیزی
دهۆک : 20 پلەی سیلیزی
زاخۆ : 22 پلەی سیلیزی
کەرکوک : 24 پلەی سیلیزی
هەڵەبجە : 20 پلەی سیلیزی
حاجی ئۆمەران : 11 پلەی سیلیزی
گەرمیان : 24 پلەی سیلیزی

PUKMEDIA