پێشبینی نمەباران و خۆڵبارین دەكرێت

PUKMEDIA

کەشوهەوا

بەڕێوەبەرایەتی گشتی كەشناسی و بومەلەرزەزانی كەشی پێشبینیكراوی 48 سەعاتی داهاتووی راگەیاند و بەپێی راگەیەنراوەكە، پێشبینی نمەباران و بەرزبوونەوەی تۆزێكی كەم دەكرێت.

بەڕێوەبەرایەتی گشتی كەشناسی و بومەلەرزەزانی لە راگەیەندراوێكدا بڵاویكردەوە: ئەمڕۆ یەك شەممە 19ی 10ی 2025، ئاسمان ساماڵ و پەڵە هەور دەبێت لە هەندێك شوێن دەگۆڕێت بۆ نیمچە هەور لەگەڵ ئەگەری دروستبوونی تۆزێكی كەم بەتایبەت لە ناوچەكانی باشووری هەرێم. 

ئاماژەی بەوەشكردووە: سبەی دوو شەممە 20ی 10ی 2025، ئاسمان نیمچە هەور دەبێت و لە پارێزگای دهۆك و ناوچە شاخاوییەكانی باكوور و باكووری رۆژهەڵات و باكووری رۆژئاوا دەگۆڕێت بۆ هەوری تەواو لەگەڵ ئەگەری بارینی نمەباران لە درەنگانی شەودا لە ناوچەكانی باكووری رۆژئاوای هەرێم، هەروەها ئەگەری بەرزبوونەوەی تۆزێكی كەم هەیە.  

هاوكات بەرزترین پلەكانی گەرمای پێشبینیكراو بە پلەی سیلیزی بەمشێوەیە دەبێت:

هەولێر : 27 پلەی سیلیزی
سلێمانی : 27 پلەی سیلیزی
دهۆك : 26 پلەی سیلیزی
زاخۆ  :  26 پلەی سیلیزی
ئامێدی : 23 پلەی سیلیزی
ئاكرێ : 28 پلەی سیلیزی
كەركوك : 30 پلەی سیلیزی 
هەڵەبجە : 27 پلەی سیلیزی
سۆران : 25 پلەی سیلیزی
حاجی ئۆمەران : 18 پلەی سیلیزی
گەرمیان : 33 پلەی سیلیزی

PUKMEDIA