كەشناسی: خۆڵبارین چڕتر دەبێتەوە

PUKMEDIA

خۆڵبارین

بەڕێوەبەرایەتی گشتی كەشناسی و بومەلەرزەزانی كەشی پێشبینیكراوی 48 سەعاتی داهاتووی راگەیاند، بەپێی راگەیەنراوەكەش، خێرایى با زیاد دەکات و خۆڵبارین چڕتر دەبێتەوە، بەتایبەت لە سنووری پارێزگای سلێمانی و كەركوك.

بەڕێوەبەرایەتی گشتی كەشناسی و بومەلەرزەزانی لە ‌راگەیەندراوێكدا بڵاویكردەوە: ئەمڕۆ هەینی  19ی 9ی 2025، ئاسمان ساماڵ دەبێت لە ناوچە شاخاوییەكان بەتایبەتی ناوچە سنووريیەكانی باكوور پەڵە هەور دەبێت، لەگەڵ زيادبوونى خێرایى با  و بەرز بوونەوەی تۆز و خۆڵ لە كاتەكانی نیوەڕۆ بەدواوە چڕییەكەی زیاد دەكات بە تایبەتی سنووری پارێزگای سلێمانی و كەركوك و ئیدارەی راپەڕین و گەرمیان .

لەبارەی كەشی سبەینێشەوە كەشناسی رایگەیاند: سبەی شەممە  20ی 9ی 2025، ئاسمان  ساماڵ دەبێت، لەگەڵ بەردەوامی  بەرز بوونەوەی تۆز و خۆڵ تا كاتەكانی نیوەڕۆ، پاشان كەشەكە سەقامگیر دەبێت .

هاوكات پلەكانی گەرما بەم شێوەیە دەبن:

هەولێر :  34 پلەی سیلیزی  
سلێمانی : 34 پلەی سیلیزی
دهۆك :  34  پلەی سیلیزی
ئامێدی : 29 پلەی سیلیزی
ئاكرێ : 33 پلەی سیلیزی
كەركوك : 35 پلەی سیلیزی  
زاخۆ  :  35 پلەی سیلیزی
هەڵەبجە : 35 پلەی سیلیزی
سۆران : 31 پلەی سیلیزی
حاجی ئۆمەران : 21 پلەی سیلیزی
گەرمیان: 37 پلەی سیلیزی

PUKMEDIA