داهاتی گومرگی عیراق دەگاتە سێ ترلیۆن دینار

میدیا عیراقییەکان

دەروازەیەکی گومرگی عیراق

داهاتی گومرگی لە عیراق دەگاتە سێ ترلیۆن دینار و سەرۆکی دەستەی گشتیی گومرگیش رایدەگەیەنێت:" رەسمی گومرگی پێشوەختە لە کانوونی یەکەمی داهاتووەوە دەچێتە بواری جێبەجێکردنەوە".

قاسم سامر سەرۆکی دەستەی گشتیی گومرگ ئاشکرای کرد: بەهۆی چاکسازییەکان و دوای جێبەجێکردنی سیستەمی ئەسیکۆدا و چاکسازی لە دەروازە گومرگییەکان، لە ساڵی 2024دا داهاتەکان بۆ دوو تریلیۆن دینار بەرزبوونەتەوە.

پەیوەست بە کۆی داهاتی گومرگی، سەرۆکی دەستەکە رایگەیاندووە: داهاتی گومرگی تاوەکو ئەمڕۆ گەیشتووەتە دوو تریلیۆن و 700 ملیۆن دینار، پێشبینیش دەکرێت تاوەکو کۆتایی ساڵ بگاتە سێ تریلیۆن دینار.

لە بارەی جێبەجێکردنی رەسمی گومرگی پێشوەختە، قاسم سامر سەرۆکی دەستەی گشتیی گومرگ رایگەیاند: رەسمی گومرگی پێشوەختە لە کانوونی یەکەمی داهاتووەوە دەچێتە بواری جێبەجێکردنەوە، کە بازرگانان ناچاردەکرێن زانیاریی لە بارەی کەلوپەلەکانیان پێشکەش بکەن، پێش ئەوەی هاوردەیان بکەن.

PUKMEDIA