نرخی نەوت دابەزی

میدیاکان

ئاماژەی دابەزینی نرخی نەوت

نرخی نەوت لە بازاڕەکانی جیهان دابەزینی بەخۆیەوە بینی  و یەک بەرمیل نەوتی برێنت 17 سەنت و تەکساسیش 16 سەنت دابەزی.

 ئەمڕۆ 19ی8ی2025، لەگەڵ کردنەوەی بازاڕەکانی جیهان نرخی نەوت دابەزینی بەخۆیەوە بینی و یەک بەرمیل نەوتی برێنت بەڕێژەی 0.5% دابەزی و بە 66 دۆلار و 16 سەنت مامەڵەی پێوەدەکرێت، هاوکات یەک بەرمیل نەوتی تەکساسیش بەرێژەی 0.8% دابەزی و بە 62 دۆلار و 22 سەنت مامەڵەی پێوەدەکرێت.

هۆکاری دابەزینی نرخی نەوت بۆ کۆبوونەوەی هەردوو سەرۆکی ئەمریکا و ئۆکراین دەگەڕێتەوە، ئەمە جگە لەوەی پێشبینی دەکرێت نەوتی روسیا رێژەی هەناردەکردنەوەی زیاد بکرێت.

PUKMEDIA