پلەکانى گەرما نزمدەبنەوە

PUKMEDIA

کەشوهەوا

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی کەشى پێشبینیکراوى 48 سەعاتی داهاتووی راگەیاند، بەپێی راگەیەنراوەکە: "ئەمڕۆ و سبەینێ پلەکانى گەرما نزمدەبنەوە".

به‌ڕێوه‌بەرایه‌تی گشتی كه‌شناسی و بومه‌له‌رزه‌زانی له‌راگه‌یه‌ندراوێكدا بڵاویكرده‌وه‌:"ئەمڕۆ چوارشەممە 30ی7ی2025 کەش / ئاسمان ساماڵ و پەڵە هەور دەبێت، لەگەڵ ئەگەرى بەرزبوونەوەى تۆزێکى کەم و دابەزینى پلەکانى گەرما".

هاوکات لەڕاگەیەنراوەکەدا هاتووە: " پلەى گەرمى نزم دەبێتەوە بە (3-5) پلە بەراوورد بە تۆمارکراوەکانی دوێنێ ".

خێراى با / لەسەر خۆ - مام ناوەند ( 15– 25 )کم/ک
مەوداى بینین / ( 7 – 9 ) کم دەبێت.
ئاڕاستەی با / لە نێوان باشووری رۆژهەڵات و باشووری رۆژئاوا دەبێت.

پەیوەست بە کەشى سبەینێ پێنجشەممە 31ی7ی2025 به‌ڕێوه‌بەرایه‌تی گشتی كه‌شناسی و بومه‌له‌رزه‌زانی  پیشبینی کردووە کەش / ئاسمان ساماڵ و پەڵە هەور دەبێت، لەگەڵ ئەگەرى بەرزبوونەوەى تۆزێکى کەم.

ئاماژەى بەوەشداوە" پلەکانی گەرما / بەگشتی نزیک دەبێتەوە لە تۆمارکراوەکانی ئەمرۆ ". 

خێراى با / لەسەر خۆ - مام ناوەند ( 10– 20 )کم/ک.
مەوداى بینین / ( 8 – 10 ) کم دەبێت.
ئاڕاستەی با / لە نێوان باشووری رۆژهەلات و باشووری رۆژئاوا دەبێت.

پلەکانی گەرما بەم شێوەیە دەبێت:

هەولێر : 45 پلەی سیلیزی
سلێمانی : 44 پلەی سیلیزی
دهۆک : 44 پلەی سیلیزی
کەرکوک : 46 پلەی سیلیزی
زاخۆ : 45 پلەی سیلیزی
هەڵەبجە : 45 پلەی سیلیزی
سۆران : 43 پلەی سیلیزی
حاجی ئۆمەران : 34 پلەی سیلیزی
گەرمیان: 46 پلەی سیلیزی

PUKMEDIA