شەش پارێزگای عیراق 50 پلەی گەرما تۆمار دەكەن

ميدياكان

شەپۆلی گەرما

ماوەی چەند رۆژێكە شەپۆلێكی گەرما عیراق و هەرێمی كوردستانی گرتووەتەوە، پێشبینیش دەكرێت شەپۆلەكە تا چەند رۆژیی داهاتوو بەردەوامی هەبێت و لە شەش پارێزگای عیراق پلەی گەرما دەگاتە 50 پلەی سەدی.

بەپێی راگەیەندراوی دەستەی كەشوهەوای عیراق، سبەینێ 25ی 7ی 2025، لە شەش پارێزگای عیراق پلەی گەرما دەگاتە 50 پلەی سەدی و بەشێك لە ناوچەكانی هەرێمی كوردستانیش لەو پلەیە نزیك دەبنەوە.

هەر بەپێی راگەیەندراوەكەی دەستەی كەشوهەوای عیراق، لە نەینەوا، دیوانیە، واست، زیقار و موسەنا پلەی گەرما 49 پلە دەبێت و لە میسان و بەسرەش 50 پلەی سەدی دەبێت. 


هاوكات، بەڕێوەبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی راگەیاند و بەپێی پێشبینییەكان، ئەمڕۆ پێنج شەممە  24ی07ی 2025، ئاسمان  ساماڵ و پەڵە هەور دەبێت و پلەكانی گەرما 1 بۆ 2 پلە بەرزدەبنەوە.

هەر بەپێی پێشبینییەكان، سبەینێ هەینی 25ی 07ی 2025، ئاسمان ساماڵ دەبێت لەناوچە شاخاووییەكان نیمچە هەور دەبێت و لە گەرمیان پلەی گەرما دەگاتە 50 پلەی سیلیزی.

هاوكات پلەكانی گەرما لە ناوچەكانی كوردستان بەم شێوەیە دەبن:

هەولێر :  47 پلەی سیلیزی
  
سلێمانی : 45 پلەی سیلیزی

دهۆك :  46  پلەی سیلیزی

كەركوك : 48 پلەی سیلیزی  

زاخۆ  :  46 پلەی سیلیزی

هەڵەبجە : 44 پلەی سیلیزی

سۆران :  45 پلەی سیلیزی

حاجی ئۆمەران : 34 پلەی سیلیزی

گەرمیان 50 پلەی سیلیزی

PUKMEDIA