پلەکانی گەرما نزم دەبنەوە

PUKMEDIA

کەش و هەوا

بەڕێوەبەرایەتی کەشناسی و بوومەلەرزەزانی هەرێم، کەشى پێشبینیکراوى 48 سەعاتی داهاتووی راگەیاند، بەپێی پێشبینییەکان ئەمڕۆ لەناوچە شاخاووییەکان نیمچە هەور دەبێت لەگەڵ بوونى تۆزێکى سووک و لەکاتەکانی دوایی نیوەرۆ ئەگەری چالاک بوونی خێرایی با هەیە تاکو کاتەکانی ئێوارە، سبەینێ ئاسمان ساماڵ و پەلە هەور دەبێت لەگەڵ بەرزبوونەوەى تۆز و خۆڵ  لەکاتەکانی بەیانی زوو لەزۆربەی ناوچەکان.

ئەمڕۆ دوو شەممە  30ی6ی2025 ئاسمان  ساماڵ و پەڵە هەور  دەبێت، لەناوچە شاخاووییەکان نیمچە هەور دەبێت لەگەڵ بوونى تۆزێکى سووک وە لەکاتەکانی دوایی نیوەڕۆ ئەگەری چالاک بوونی خێرایی با هەیە تاکو کاتەکانی ئێوارە .  

خێراى با / مامناوەند دەبێت  ( 15 – 25 )کم/ک . لەکاتەکانی دوایی نیوەڕۆ چالاک دەبێت بۆ سەروی 30 کم /ک لەزۆربەی ناوچەکانی هەرێم, بۆ کاتەکانی ئێوارە ئاسایی دەبێتەوە
مەوداى بینین / (6 –  8 ) کم دەبێت  
ئاراستەی با /  باکووری خۆرئاوا دەبێت.
پلەکانی گەرما/ بەگشتی نزم دەبێتەوە وە  لەناوچە شاخاووییەکان  زیاتر دادەبەزن بە (4-5 ) پلە  لە تۆمارکراوەکانی دوێنێ وەک لە وێنەکەدا ئاماژەی پێکراوە. 

سبەینێ سێشەممە   1ی7ی2025، ئاسمان ساماڵ و پەلە هەور دەبێت لەگەڵ بەرزبوونەوەى تۆز و خۆڵ  لەکاتەکانی بەیانی زوو لەزۆربەی ناوچەکان , پاشان بۆ کاتەکانی نیوەڕۆ کاریگەری لاواز دەبیت. 

خێراى با /  لەسەر خۆ - مامناوەند دەبێت ( 10–  20 )کم/ک دەبێت.
 مەوداى بینین / ( 5 – 7 )  کم  دەبێت. لەکات و شوێنی تۆز کەمتر دەبیت لە 5 کم
ئاراستەی با / باکووری خۆرئاوا دەبێت .

پلەکانی گەرما / نزم دەبێتەوە بە (1 – 3 ) پلە  بەراوورد بە  تۆمارکراوەکانی ئەمرۆ وەک لەخوارەوە ئاماژەى پێکراوە:
هەولێر :  38 پلەی سیلیزی  
سلێمانی : 35 پلەی سیلیزی
دهۆک :  36  پلەی سیلیزی
کەرکوک : 38 پلەی سیلیزی  
زاخۆ  :  37 پلەی سیلیزی
هەڵەبجە :35 پلەی سیلیزی
سۆران :  35 پلەی سیلیزی
حاجی ئۆمەران : 27 پلەی سیلیزی
گەرمیان :39 پلەی سیلیزی

PUKMEDIA