ئێران ژمارەی نوێی کوژراو و بریندارەکانی شەڕ ئاشکرادەکات

میدیاکان

هێرشێکی ئیسرائیل بۆ سەر تاران

ئاماری نوێی کوژراو بریندارەکانی شەڕی 12 رۆژەی نێوان ئیسرائیل و ئێران بڵاوکرایەوە، کە 627 کەس کوژراون و 4 هەزار و 870 کەسیش بریندار بوون.

 له‌ ئه‌نجامی هێرشه‌كانی ئه‌م دواییه‌ی ئیسرائیل بۆ سه‌ر ئێران 627 كه‌س كوژراون، چوار هه‌زار و 870 كه‌سی دیكه‌ش بریندار بون، وەزارەتی تەندروستی ئێرانیش رایدەگەیەنێت:" تاران و کرماشان لە ریزی پێشەوەی قوربانیەکاندان".

 ناوه‌ندی راگه‌یاندنی وه‌زاره‌تی ته‌ندروستی ئێران بە ئامارەوە  راپۆرتێکی نوێی  لە بارەی قوربانیەکان بڵاوکردەوە کە ژمارەی کوژارەکان گەیشتۆتە 627 كه‌س و 4 هه‌زار و 870 بریندار.

بەپێی راپۆرتەکە:" تاران و كرماشان له‌ ریزی پێشەوەی لیستی ناوچه‌ زیانلێكه‌وتوه‌كاندان و زۆرترین ژماره‌ی کوژراو و برینداری تێدا تۆماركراوە".


به‌ وته‌ی به‌رپرسانی وه‌زاره‌تی ته‌ندروستی ئێران:" 86.1%ی قوربانییه‌كان له‌ شوێنی ڕوداوه‌كان گیانیان له‌ده‌ستداوه‌، و  13.9%ی قوربانییه‌كان دوای گواستنه‌وه‌یان بۆ نه‌خۆشخانه‌ گیانیان له‌ده‌ستداوه‌ ".
.
بەرەبەیانی رۆژی 13ی6ی2025، ئیسرائیل هێرشی كردە سەر چەند بنكەیەكی ئەتۆمی و سەربازی لە ئێران و بەهۆیەوە ژمارەیەك فەرماندەی سەربازی و زانای ئەتۆمی كوژران، لە وەڵامیشدا ئێران هێرشی مووشەكی كردە سەر تەلئەبیبی پایتەخت و شارەكانی دیكەی ئیسرائیل، ئەم جەنگەش 12 رۆژی خایاند تا لە رۆژی 24ی6ی2025 ئاگر بەست لە نێوان هەردوو لا راگەیەندرا.


PUKMEDIA