كەشناسی پێشبینی تاوەباران دەكات

PUKMEDIA

کەش و هەوا

کەشناسی رایدەگەیەنێت: "ئەمڕۆ کەش ئاسمان و پەڵەهەور دەبێت، سبەیش ئەگەری تاوەباران لە ناوچە شاخاوییەکان هەیە و پلەکانی گەرماش بەرز دەبنەوە".

كەشناسی هەرێم پێشبینییەكانی كەشوهەوای بۆ 48 سەعاتی داهاتوو بڵاوكردەوە و بەپێی پێشبینییەكان، ئەمڕۆ 8-6-2025، ئاسمان ساماڵ و پەڵەهەور دەبێت و خێرایی با مامناوەند دەبێت، پلەكانی گەرماش 1 بۆ 2 پلەی سیلیزی بەرز دەبنەوە.

ئاماژەی بەوەشكردووە، سبەینێ دوو شەممە، بە گشتی ئاسمان ساماڵ و پەڵەهەور دەبێت و لە هەندێك كات و شوێندا دەگۆڕێت بۆ نیمچەهەور، هاوكات ئەگەری تاوە بارانێكی كەم لە ناوچە شاخاوییە سنوورییەكان هەیە.

كەشناسی راشیدەگەیەنێت: "سبەینێ خێرایی با زیاد دەكات و هەندێك جار دەگاتە سەروو 30 كیلۆمەتر لە سەعاتێكدا، پلەكانی گەرماش نزیك دەبنەوە لە تۆماركراوەكانی ئەمڕۆ".
 
بەرزترین پلەكانی گەرمای پێشبینیكراو بە پلەی سیلیزی بۆ سبەینێ:

هەولێر : 38 پلەی سیلیزی
سلێمانی : 36 پلەی سیلیزی
دهۆك : 37 پلەی سیلیزی
كەركوك : 41 پلەی سیلیزی  
زاخۆ  : 38 پلەی سیلیزی
هەڵەبجە : 37 پلەی سیلیزی
سۆران : 36 پلەی سیلیزی
حاجی ئۆمەران : 21 پلەی سیلیزی
گەرمیان : 42 پلەی سیلیزی

PUKMEDIA