ئەمڕۆ تاوەباران و هەورەتریشقە بەردەوام دەبێت

PUKMEDIA

کەش و هەوا

بەڕێوەبەرایەتی کەشناسی و بوومەلەرزەزانی هەرێم، پێشبینییەکانی کەشوهەوای 48 سەعاتی داهاتووی راگەیاند، بەپێی راگەیەنراوەکە ئەمڕۆ کەشوهەوا باراناویی دەبێت و سبەینێ کەشەکە سەقامگیر دەبێت.

لەڕاگەیەنراوێکدا بەڕێوەبەرایەتی کەشناسی و بوومەلەرزەزانی هەرێم رایگەیاند:"ئەمڕۆ شەممە 05- 04- 2025  ئاسمان بەگشـتى هەوری باراناوی دەبێت لە زۆربەی ناوچەکان، لە هەندێ کات و شوێن دابارین بە شێوەی لێزمە باران هەورە تریشقەی لەگەڵدا دەبێت، لە درەنگانی شەویشدا کەش سەقامگیر دەبێت  و کاریگەری ئەم شەپۆلە کۆیایی دێت".

هاوکات خێراى با / لەسەرخۆ- مام ناوەند ( 15 – 25 )کم/س دەبێت،  هەندێکجار لەرۆژهەڵاتی هەرێم چالاک دەبێت بۆ سەروی 30 کم/س
ئاراستەی با / باکووری خۆرهەڵات .

پلەکانی گەرما/ نزم دەبێتەوە بە ( 3- 5 ) پلەی سیلیزی بەراوورد بە تۆمارەکانی دوێنێ و مەوداى بینین /( 5 – 7) کم دەبێت.

هاوکات سبەینێ یەکشەممە 6-4- 2025، ئاسمان ساماڵ بۆ نیمچەهەور دەبێت و خێراى با / لەسەرخۆ- مام ناوەند ( 10 – 20 )کم/س دەبێت بە ئاراستەی باکووری خۆرهەڵات .

پلەکانی گەرما / بەرز دەبێت بە ( 1 – 2) پلەی سیلیزی بە بەراوورد بە تۆمارەکانی ئەمرۆ و  مەوداى بینین / ( 8 – 9) کم دەبێت .

بەرزترین پلەکانی گەرمای پێشبینیکراو بە پلەی سیلیزی:

هەولێر : 25 پلەی سیلیزی
سلێمانی : 22پلەی سیلیزی
دهۆک : 23 پلەی سیلیزی
کەرکوک : 27 پلەی سیلیزی
زاخۆ : 24 پلەی سیلیزی
هەڵەبجە : 21 پلەی سیلیزی
سۆران : 21 پلەی سیلیزی
حاجی ئۆمەران : 16 پلەی سیلیزی
گەرمیان :29 پلەی سیلیزی

PUKMEDIA