سەرۆک بافڵ: چیتر دواخستنی مووچە جێی قبوڵ نییە

راگەیاندنی سەرۆک بافڵ

بەشداری سەرۆک بافڵ لە کۆبونەوەی هاوپەیمانی دەوڵەتی یاسا

زانیاری نوێ لەبارەی ناوەڕۆکی کۆبوونەوەی هاوپەیمانیی بەڕێوەبردنی دەوڵەت لە بەغدا ئاشکرابوو .

بەپێی زانیارییەکان لە کۆبوونەوەکەدا سەرۆک بافڵ جەلال تاڵەبانی بە راشکاوی و توندی لەبارەی کێشەی موچەی فەرمانبەرانی هەرێم و دواکەوتنی ، بژێوی ژیانی خەڵک و شایستەداراییەکانی هەرێم  قسەیکردووە و بۆچوونەکانی بۆ چارەسەرکردنی ریشەیی ئەم پرسە خستۆتە روو ، بە روونی رووی دەمی کردۆتە ئامادەبووانی کۆبوونەوەکەو داوایکردووە با گفتوگۆی روون و جدی بکەین لەسەر کێشەی موچەخۆرانی هەرێم ، بزانین هۆکاری سەرەکی ئەم کێشەیە چییە ، چونکە نابێت چیتر موچەو ژیانی خەڵکی کوردستان تێکەڵ بە ململانێی سیاسی بکرێت ، چونکە بە پێی دەستوور دەبێت موچەخۆرانی هەرێم هاوشێوەی موچەخۆرانی عیراق مافیان پارێزراوبێت و لەیەک کاتدا موچە بە یەکسانی دابەشبکرێت و هاووڵاتیانمان بێبەش نەکرێت لە شایستەکانیان .


بەپێی زانیارییە بەردەستەکان هەر لە کۆبوونەوەکەدا سەرۆک بافڵ رایگەیاندووە : چیتر مایەی قبووڵ نییە بە پاساوی جیاجیا و سیاسییەوە ، مووچە دوابخرێت و دەست بخرێتە قووتی خەڵکەکەمانەوە . دەبێت لە یەک کاتدا مووچە دابەشبکرێت و ئەم کێشەیە بە تەواوەتی نەهێڵین و راستگۆبین لەگەڵ خەڵکی خۆمان و خەڵکەکەمان .


ئەوەش ئاشکرابووە ، پێشتریش بافڵ جەلال تاڵەبانی ئەم پەیامەی بە نێردەو نوێنەری وڵات و سەرکردە سیاسییەکانی عیراق داوە تا چیتر ئەم پرسە بە سیاسی نەکرێت و خەڵکی کورستان نەکرێنە قوربانی بۆ ئەوەش داوای باپەند بوونی بە بڕیارەکانی دادگای فیدڕاڵییەوە کردووە تا موچەی مووچەخۆرانی هەرێم  بە ویستی خەڵک و سەقامگیری لە وڵاتدا چارەسەربکرێن.

PUKMEDIA