قوباد تاڵەبانی: پارتی هاتەسەر تەزویركردنی دەنگی من و كاك بافڵ

PUKMEDIA

قوباد تاڵەبانی

قوباد تاڵەبانی وەڵامی پارتی دیموكراتی كوردستان دەداتەوەو  رایدەگەیەنێت : "پارتی ئەمجارە ناتوانێت ساختە بكات، بۆیە ئەمجارەیان ساختەی دەنگی من و كاك بافڵی كرد".

قوباد تاڵەبانی ئەندامی مەكتەبی سیاسی یەكێتیی نیشتمانیی كوردستان لە سەنگەسەرەوە وەڵامی پارتی دیموكراتی كوردستانی دایەوەو رایگەیاند: "پارتی ئەزانێت لەم هەڵبژاردنەدا ناتوانێت لە سندوقەكانی دەنگداندا ساختەكاری بكات، بۆیە ساختەی دەنگی ئێمەی كردووەو روونە كە ئەو دەنگە ئەسڵی نییە".

دەشڵێت: "ساختەكردنی دەنگی من و كاك بافڵ نیشانەی ئەوەیە پارتی دۆڕاو شكاو ترساوەو رۆحی لە هەڵبژاردن چووە، بۆیە ناچارە ئەو كارەبكات".

قوباد تاڵەبانی راشیگەیاند: "میللەتی ئێمە زۆر لەوە هۆشیارترە بڕوایان بەو هەنگاوە نزمانە هەبێت و بڕوا بەو دەنگە دروستكراوانە بكەن".

ئەمڕۆ ٨-١٠-٢٠٢٤ پارتی دیموكراتی كوردستان لەڕێگای لیژنەی باڵای هەڵبژاردنەكەیەوە راگەیەندراوێكی پشتبەست بە تۆمارێكی ساختەی دەنگی بافڵ جەلال تاڵەبانی و قوباد تاڵەبانی بڵاوكردەوەو وەك قوباد تاڵەبانی دەڵێت: "هەنگاوێكی نزمی ساختەكارییە"، لای خۆشییەوە میدیای یەكێتی بەكورتترین گوزارشت وەڵامی دایەوەو رایگەیاند: "زابخودێ ژیری دەستكردیش فریاتان ناكەوێت".

لینکی ڤیدیۆیی وەڵامی قوباد تاڵەبانی بۆ ساختەكارییەكەی پارتی ...

PUKMEDIA