فەرمانبەرانی هەرێم لەگەڵ مووچەخۆرانی عیراق مووچەکانیان وەردەگرن

PUKMEDIA

مووچەی فەرمانبەرانی هەرێم و عیراق

بەبڕیاری وەزیری دارایی عیراق لەمەودوا مووچەی فەرمانبەرانی هەرێم لەگەڵ مووچەی فەرمانبەرانی عیراق دابەشدەكرێت و حکومەتی فیدڕاڵیش چاوەڕێی ناردنی 120 ملیار دینارەكەی داهاتی ناوخۆی هەرێم ناكات.

بەپێی بەدواداچوونەكانی گەلی كوردستان، فالح ساری، وەزیری دارایی عیراق بڕیاریداوە لەمەودوا مووچەی مووچەخۆرانی هەرێمی كوردستان لەگەڵ مووچەی فەرمانبەرانی عیراق خەرج دەكات.
هەروەها هاوشێوەی مووچەی مانگی ڕابردوو، بۆ ئەم مانگەو مانگەكانی داهاتوو، وەزارەتی دارایی عیراق چاوەڕێی ناردنی 120 ملیار دینارەكەی داهاتی ناوخۆی هەرێم ناكات و خۆی ڕاستەوخۆ ئەو بڕە لەپارەی مووچەی مانگانەی هەرێم دەبڕێت.

وەزیری دارایی عیراق تەئكیدی لەوە كردووەتەوە كە بەپێی ڕێككەوتنی پێشتری نێوان حكومەتی عیراق و حكومەتی هەرێم، هەرێم پابەندكراوە بەگەڕاندنەوەی 120 ملیار دینار لەداهاتی نانەوتی بۆ خەزێنەی فیدراڵی.

PUKMEDIA